【返感官刺激嘅playgroup？自己DIY無難】

做咗全職媽媽咁耐， 已經學識點樣慳家。好多嘢自己屋企整，唔單止整嘢食，連細路仔嘅手工同sensory bin都係屋企整 。

明白好多媽媽寧願返感官刺激嘅playgroup，因為屋企冇地方，亦都怕清潔嗰陣非常頭痛。 比卡超人妻就非常感恩地屋企有個小後園，sensorybin通常都係放響後園玩。

自家女王由17個月開始， 便接觸到sensory bin，其實都覺得自己開始得有啲遲，應該再早多幾個月畀佢早少少接觸。

我自己喺屋企第一個sensor bin係非常簡單，只係用麵粉，之後亦都試過用生米同生意粉來做sensory bin

嗰陣時點解會無啦啦係屋企diy個sensory bin，就係因為嗰一個月成日都落雨 ，冇乜心情成日帶阿女出街。

媽媽其實唔需要怕小朋友乜嘢都放落口。如果係用麵粉生米同生意粉其實係安全的。

小朋友一歲開始接觸對隻手仔嘅motor skill係有好大幫助， 佢哋亦都會覺得好神奇，好得意，好好玩。同其他玩具嘅感官刺激非常唔同。如果屋企有細細嘅玩具動物亦都可以放落去個sensory bin，加強佢哋嘅想像力。

家長們，如果屋企地方許可。不妨自己DIY做一個總比開住電視健康吧！

=========================================================================================================================================

溫馨提示：

謹記若讓二歲以下小孩用較剪，必須從旁監察協助，勿生意外
屋企最好有個高身啲嘅膠箱，如果唔係清潔嗰陣就好頭痛，

另外就係第一次畀小朋友玩sensory bin 最好有耐性，畀佢哋自由自主咁去探索，小朋友可能會搞到一地都係。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：比卡超人妻

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！