【懶人低醣瘦身料理】零失敗！30分鐘快靚正南瓜濃湯 幼兒都啱飲！

懶人料理★零失敗★快靚正★低醣★瘦身★幼兒料理

材料和做法非常簡單，新手零手敗，保健美容，低醣減肥，老少咸宜。三色蔬菜（南瓜/蕃茄/甘荀）的好處非常多，不能盡錄：

・維生素A，明目，保護視網膜
・維生素C，抗衰老抗氧化，肌膚緊緻富彈性
・膳食纖維，幫助腸胃蠕動，有助消化通便
・提升抵抗力，預防癌症

4人份量
日本南瓜仔：約大半個
蕃茄：約2個
甘荀仔：約12條 (想甜可以加多少少)
洋蔥：半個
蒜頭：1粒
薑片：3-5片

註：以上份量全部係雪櫃現成食材，可以隨意加減。

做法：

1. 【中火】落少許油，爆香蒜頭和薑片，大概1分鐘左右加入洋蔥炒至半透明。

2. 【中火】加入南瓜和甘筍炒大概3分鐘左右，直至釋出香味，南瓜輕微蕉黃。

3. 【中火】加入蕃茄繼續炒香，按個人喜好加入調味料 （例如：黑胡椒粉、香草等）。

4. 【大火】加水直至剛好覆蓋所有材料，轉大火，直至水滾轉中小火，蓋上煲蓋煲大概20-30分鐘，視乎份量。

5. 【中火】自行試味，落少許鹽調味，蓋上煲蓋煲大概5至10分鐘。

6. 【選項】待湯水放涼之後，挑起薑蒜，用攪拌機攪成糊狀 （我用7度），即可享用。

再講一次，材料和做法非常簡單，新手零手敗，大家不妨試下:)

小小心得：
・懶人本色，全程用同一個不秥底的鍋。
・攪拌機攪成糊狀，連湯料一齊進食，非常飽肚。
・如果幼兒進食，注意調味料的運用。
・懶人本色，剩下來的湯可以用來做湯底煮粉，一湯二味:)

延伸閱讀：
傳說中的「攞我命三千」！廣華醫院順產媽媽生產記之陣痛最可怕！
世上冇唔識入廚的媽媽！親力親為「懶媽媽」之嬰兒加固心得分享！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text & Photos：孫師奶的媽媽日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！