4款免費學中文遊戲APP

現時科技發達，要小朋友避開用電子產品的確唔易，但其實電子產品都有其唔少好處，只要爸媽可以把握同細心管理仔女使用電子產品嘅規則，絕對得益唔少！依家就介紹4款APP，小朋友可以一邊學一邊玩，好好利用電子產品！

1.Fun Chinese

依個APP適合3-10歲嘅小朋友，而設定上有多國語言，就算係國際學校嘅小朋友都可以用到！入面亦有大量遊戲形式嘅學中文練習同其他學科遊戲，一定可以吸引到小朋友用～

喺學習方面，遊戲教生字時有設普通話或粵語，小朋友學中文時，亦可以學到普通話，一舉兩得，同埋每日只可以開鎖一個遊戲，爸媽絕對唔使驚小朋友會一日玩到黑喇！

2.認字識詞

依個APP好適合K2至初入小一小朋友，佢有唔同嘅筆順動畫同練寫遊戲，而且所參考嘅資料都係按照香港嘅《香港小學學習字詞表》超級貼緊學校教學。

另外，遊戲亦會以故事形式進行，每次只加入一個新字，組成故事，畀小朋友由學習單詞到組合句子，甚至變成故事，慢慢循序漸進學習，好適合初學中文嘅小朋友！

3. 社交故事一按通

依故事APP係由政府提供資助設計，由香港耀能協會所開發，該程式中收錄了約一百個本地特色的社交故事，共設有「人際關係」、「學校」、「外出」、「家庭」、「照顧自己」等五個主題，故事會內設錄音講故事，小朋友可以自行睇故事、聽故事。雖然依個程式主要係為自閉兒童提供訓練社交技能嘅教材套，畀自閉兒童能從故事主題中，但一般大眾小朋友都可以一齊用到，學習到如遇到困難時的解決方法。

4.聽說讀寫 小奇兵

依個遊戲APP係由一班專業團體設計（包括：教育心理學家、言語治療師、職業治療師、幼兒教育顧問及社工），適合K1-初小小朋友用，內設學習中文遊戲外，仲有好多語文同數理遊戲同故事，爸媽都可以一齊參與！

Text：mamiDaily