準媽媽嘅幸福時光 懷孕期間老公5個貼心舉動

喺漫長嘅懷孕期，孕媽媽要面對生理、心理上各種轉變同不適，都會感到唔舒服同心情差，如果老公願意為孕媽媽做以下5件事，孕媽媽會感到懷孕都係一件幸福事，幾辛苦都值得！

Photo from Shutterstock

1. 貼身侍候

擔心孕媽媽會因為笨重嘅身體而跌倒，或因天雨路滑而跣低，老公都會緊張傍實孕媽媽，深怕孕媽媽會唔小心跌倒受傷； 喺人多擠迫時，亦會用自己身體擋開人群，掩護孕媽媽前行，而孕媽媽感到非常可靠又有安全感。

2. 陪去產檢、產前講座

漫長嘅孕期，孕媽媽需要學習照顧自己同腹中胎兒，亦要學習準備做媽媽，當中孕媽媽需要出席多項去見下BB、了解BB嘅發育進展； 另外醫院同坊間亦有好多產前講座去畀孕媽媽提前了解分娩注意事項、坐月進補、照顧初生BB等⋯⋯如果老公願意陪孕媽媽一一出席，孕媽媽會感到老公非常愛錫同緊張BB，亦表示老公願意負擔起好好照顧自己同BB嘅責任。

Photo from Shutterstock

3. 主動買孕婦、BB產品

隨著胎兒愈大，孕媽媽會愈難出去買BB嘢，一黎唔方便行太遠嘅路，二黎唔可以拎重物。體貼嘅老公願意充當跑腿角色，自己主動為孕媽媽張羅走佬袋需要嘅物資，同買BB需要嘅物品，等孕媽媽可以安心待產，唔駛操心太多。

4. 幫手做家務

懷孕中嘅媽媽好多時都會感到身體唔舒服，爸爸幫手做家務令媽媽可以安心休息。

Photo from Shutterstock

5. 陪孕媽媽戒口

孕媽媽為胎兒健康著想，會好多嘢都唔食得，當中可能包括自己平時愛食嘅食物，老公為令孕媽媽睇得唔食得，都會陪著一齊戒口，共同進退令孕媽媽好感動！

Text: Mami Editorial

Photo Source: Shutterstock