父母感謝醫生願意相信奇蹟 再給知行多一點時間

流感肆虐，上年有多宗流感感染個案，有男BB（小知行）出世後16日因患甲型流感併發嚴重肺炎同呼吸衰竭，BB爸媽喺社交網站集氣，而小知行一直靠人工心肺續命，但可惜昨日不幸離世。

小知行喺去年不幸患上流感，需要一直深切治療部，喺離世前2周亦做了3次大手術，包括打開胸腔清除肺部膿腫，由於知行短期內做咗多次嘅後續手術，器官同血液亦感染高度致命嘅耐藥性細菌同病毒，導致要使用有嚴重副作用嘅抗病毒藥物同抗生素，令到多個器官有衰竭嘅症狀。

知行爸媽指：「知行嘅病情複雜，同時出現多種併發症，情況棘手。但知行一直堅強求生，打破咗醫院病史中嬰兒使用人工心肺最長時間嘅紀錄。」而知行喺昨日以最後一口氣與病魔抗爭後，返回天父爸爸身邊。

根據醫生經驗同案例數據，知行原來嘅康復機會亦係非常渺茫，但知行同爸爸媽媽一直堅持到最後，知行爸媽亦感謝醫護人員嘅照顧：「由於知行只剩下好少可用嘅肺組織，部分會診醫生亦認為知行難以康復，建議過知行放棄治療，但感恩亦有其他醫生願意相信奇蹟，嘗試畀知行多啲時間。」

如今知行返到天國，唔少網民都留言願小知行安息，亦讚小知行嘅力量，同時亦鼓勵知行爸媽媽要努力生活！

Text：Mami Editorial
Photos：Shutterstock