【想同朋友傾下偈 用一本書就令BB坐定定】

純分享。不是打手，真係真金白銀買嫁！

小朋友出街坐唔定係好正常,最常見就係小朋友已經食飽喇,你自己仲未食完仲想同朋友吹多兩句水,咁點好呢！電子奶咀就一定唔會比嫁喇,比玩具/故事書佢掀兩下玩兩下又無興趣喇.

之後咁岩有日行街就見到呢本為0-6歲小朋友設計既布書「MyFirstBook」（佢有好幾本唔同主題）

入面大部分遊戲都係日常生活中會做既野,例如:洗衫掠衫,綁鞋帶呢d....所有遊戲都係配合返小朋友既發展需要去設計（其實都諗過不如自己整本比佢玩,但媽媽真係時間有限,同埋我勞作方面.......麻麻地）

茯柃淨係玩個洗衣機遊戲都玩左好耐,完全無意慾去掀去下一頁.

品質方面,佢通過埋全世界最為嚴苛的美國玩具品質安全測試同德國含致癌成份之染料測試及歐洲玩具品質安全測試
對於吽緊牙咩都放落口咬好好牙力既茯柃黎講 (佢咬爛過爸爸隻滑鼠)
媽媽表示你成本書咬,我都無咁驚.而且整污糟左可以扔落洗衣機洗添

價錢方面我覺得係正常,唔會話特別貴！佢一本書入面咁多遊戲,仲有埋個背囊比你喎！真係你買少件兩衫都係番到啦.我仲買左另外一本,諗住送比朋友添！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：茯柃媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！