跟癌症搏鬥15個月 離世前做咗哥哥會做嘅一切

英國有位患上第3期淋巴癌嘅9歲男童Bailey Coope，為咗可以見證妹妹出世，堅持捱落去，比醫生預計多活咗4個月時間，直到妹妹出世。

一家4口先得知Bailey罹患淋巴癌，仲要已經係第3期，病情亦惡化得好快，醫生亦指Bailey會隨時離開，要做好心理準備。但同時，媽媽已懷第3胎，Bailey得知後相當開心，更同醫生講：「我一定可以活到妹妹出生為止。」其實當時連爸爸媽都覺得囝囝無法捱下去。

直至上年11月，妹妹出世，哥哥為妹妹改名為Millie，並做咗所有哥哥都會做嘅事，就係幫妹妹沖涼、唱歌同玩。此外，喺聖誕節前，爸爸媽媽原先請Bailey寫一份禮物清單，結果爸爸媽媽發現，禮物清單上所有嘢都係6歲弟弟Riley鍾意嘅嘢，Bailey解釋：「我可以玩嘅時間唔多，而且依啲都係Riley同我都想要！」

Bailey除咗係一位好哥哥，仲係一位相當孝順嘅小朋友。佢得知自己時間唔多，所以一早計劃咗自己嘅葬禮，首先請所有客人要著上超級英雄服​​裝，仲要求爸爸媽媽喺葬禮只可以喊20分鐘，並要好好照顧細佬妹。

而Bailey最後係抱住妹妹安詳離世，媽媽憶述指，當時我哋喺床邊同佢講：「哥哥喺時候喇，辛苦你！」就係嗰一刻，Bailey呼出最後一口氣，只有一滴淚從眼睛旁邊流出嚟，而且當時環境相當安靜。

Bailey去世前同癌症搏鬥咗15個月，最後4個月同家人歡樂中渡過，雖然最後要回歸天國，但仍然可以做家人嘅守護天使。

Text：Mami Editor

Sources & Photos： Daily Mail