30個月男童已打疫苗 感染侵入性肺炎球菌今早死亡

衞生署公佈有一名30個月大男童感染侵入性肺炎球菌死亡，男童血液樣本經化驗後，對肺炎鏈球菌呈陽性反應，臨床診斷為肺炎球菌菌血症。

調查顯示發現，男童已接種肺炎球菌疫苗，最近並無外遊紀錄，而且家人亦無出現同類病徵。男童就讀嘅幼兒園至今都無出現其他同類個案或爆發，衞生署正繼續調查。

男童喺11月26日出現發燒、嘔吐、哽噎及抽搐，即日已到明愛醫院求醫，並直接轉送瑪嘉烈醫院兒童深切治療部接受進一步治療，但其後男童情況轉壞，並於今日早上死亡。

衞生防護中心發言人指，肺炎球菌感染由肺炎鏈球菌引致。肺炎球菌可引致多種疾病，常見包括有中耳炎同肺炎；亦可引致侵入性肺炎球菌病，如腦膜炎和菌血症及敗血病，導致嚴重甚至致命嘅疾病，呼籲市民要注意個人衛生。

Text：Mami Editorial

Photos：Shutterstock

Sources：衞生署