【李元元】Lucy晒「大肚腩」片惹爭議網民批李老母：為流量出賣女兒醜態唔識保護個女

By Dara on 10 Oct 2025

Deputy Managing Editor

當自己成為父母，才明白父母的喜怒哀樂，以及無私的愛！

藝人李璨琛和老婆梁志瑩（李老母）婚後育有兩女，分別是長女Lucy（李元元）及細女Sucy（李斐斐），李老母經常通過社交專頁分享兩姐妹的可愛日常，成為粉絲的快樂源泉。不過日前她上載了Lucy食飽飽的大肚腩片，被網民狠批「唔識保護個女」。

元元肚腩又圓又大

日前中秋佳節，李老母在社交網頁上載了一條只有3秒的短片，內容是現年7歲、升讀二年級的大女李元元，掀起上衣露出肚皮，用手搓又圓又大的肚腩，李老母亦留言：「祝大家中秋快樂，肚腩同內心都記得要好似我咁：常滿常滿 # 究竟係第幾週懷孕 # 有日佢又係食到好似今日咁飽 # 然後佢好認真咁問我 # 媽媽我個肚咁樣會唔會真係爆㗎」。

有網民大讚又圓又大的肚腩很可愛，「睇完Lulu即刻快樂咗」、「成個壽星公」、「姨一見到你喺度搓肚仔，就已經笑咗啦」、「點解小肚腩可以咁圓」、「果然係圓圓」。

Photo from [email protected]

網民批出賣女兒醜態

然而，隨着元元長大，這種昔日被視為「童真」的舉動，卻令部份網民反感。矛頭直指李母老不懂保護女兒，甚至質疑她為流量而出賣女兒的「醜態」。大量留言指出，家長的首要責任是教導女兒建立身體自主權和私隱意識。「媽媽應該要教導女兒如何保護好自己身體，不要再像從前BB咁露出身體給人看」、「都開始大個女，點解要佢拎起個件衫比人睇曬成個肚，呀媽都唔識保護個女」、「細個仍算叫幾得意，但我印象中佢已經小學，仲咁拍真係唔適合」，這種行為在女兒長大後「已經談不上可愛童真」。

Photo from [email protected]

憂損害女兒心理健康

不少網民認為，這並非單一事件，而是家長長期以來經營Lucy「醜怪」人設的一部分。從其標誌性的髮型，到過往一些具爭議性的玩笑（如「企街」），都讓網民質疑母親是否為了維持網絡熱度，刻意讓女兒「扮醜」，而出賣其童年。更多人擔心的是Lucy長大後的感受。「如果我細細個開始畀老母咁樣教育賣醜，大個咗一定嬲佢成世」、「佢長大後見到自己一大堆醜照情何以堪」、「好心放過個女啦，咁大個女仲要比佢留呢個髮型，根本就唔適合佢，係要佢扮醜，如果我係佢第時大個睇番一d都唔覺得開心囉」。網民憂慮，這些在網絡上永存的影像，未來可能成為女兒被取笑的對象，對其自我形象和心理健康造成難以彌補的傷害。