【台灣天然食材 任選多色幼兒麵線】

朋友仔都知小JM家非常喜歡台灣，每次到台定必會為小JM嘅糧食入貨！雖然小JM已經兩歲半，但我地為小JM挑選食物亦多以天然、健康為主。

時至現在小JM都依然會食用幼兒麵線，而台灣嘅「幸福米寶」亦係其中一款小JM喜歡嘅幼兒麵線。

「幸福米寶」不單止使用天然食材作為原料，而且不經油炸及無添加化學調味，所以我地亦好放心俾小JM食用。

幸福米麵共有六種口味，包括：原味、南瓜、紫心甜薯、芋頭、番茄、紫山藥。

各種口味亦有著多種易被人體消化和吸收嘅營養，對嬰幼兒健康亦有一定幫助。

最重要係米麵易於烹調，閒時隨手隨心煮亦已經好好食。

今次我就為大家介紹一個懶媽日常煮法，快捷得來亦可以食得健康！

【車厘茄火腿蛋米麵】

材料：

火腿

雞蛋

洋蔥

米麵

車厘茄

做法：

1.) 先取出適當份量嘅米麵，並將米麵放入已滾嘅水中煮開，盛起備用。

2.) 將四份一個洋蔥切成小粒備用。

3.) 車厘茄洗淨後可以將一部份切成一半，備用。

4.) 火腿解凍後可以切成絲狀，再切成小粒。

*可以用肉碎代替火腿，味道會更佳喔！*

5.) 雞蛋攪勻，備用。

6.) 先將洋蔥粒落鑊炒香，再加入已切半嘅車厘茄，並加以按壓成蓉。

7.) 加入火腿粒或肉碎，炒香；

8.) 最後加入蛋液再輕輕略炒即成。

小JM好鍾意食蔬果，所以我都會加多一份原粒車厘茄俾佢，等佢自己慢慢撈埋食。

題外話，幸福米麵其實仲有出產寶寶即食粥，仲榮獲2018亞太A.A.無添加美食三星獎添架！

寶寶即食粥有三種口味，包括：亮目、強健、順樂。

同樣以天然食材為主打，為小寶寶提供均衡營養！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：傑。斯與晴

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！