【扔嘢要狠心 媽媽一手一腳將客廳大變身】

我地米豬豬開始大個仔喇~~~ 除咗玩玩具，佢其實仲好鐘意睇書書，但由於屋企從來都冇書架ge關係，所以佢d玩具同埋書，全部都堆晒响個茶几上面，我地再用圍欄圍住唔比佢擒上去，一個字「亂」。

好在呢個人仔都乖, 肯執玩具, 如果唔係呢個戰場要我日日清理ge話, 我應該崩潰咗十年.......

米豬好鐘意睇車車, 有時我抱住佢行過窗邊, 佢見到樓下有車又會好開心, 咁不如執執個位啦~~ 搬個茶几去電視前面, free返窗邊位出嚟, 咁就可以比佢企近窗邊望吓車~

搬開咗茶几之後, 米豬玩ge地方都光猛咗~ 經常出現晒住玩車呢一幕~

但係咁樣長期頂住部電視都唔係辦法呀~~~ (雖然部電視淨係米豬訓咗先會開), 同埋玩具同書都會越來越多, 為咗令米豬有個舒適ge活動空間同埋訓練吓佢執玩具, 我同爸爸就決定將個茶几送比人, 驣出空間, 再買返組書櫃連玩具櫃同埋書枱仔比米豬~~~

估唔到我地個茶几咁丫咋都有人接收~~ 包好之後就等人嚟收喇~~

收茶几時有小插曲, 米豬見到個叔叔同爸爸運咗個茶几出屋企, 閂埋lift門0個陣, 佢竟然喊呀~!!! 佢唔捨得個茶几呀~~~~ 咁又係, 話晒佢識趴响度開始, 佢就成日响個茶几度照鏡, 就算有圍欄圍住佢都會响D空隙度照, 無啦啦冇咗塊鏡, 又係慘d ge.... 但係變態媽媽覺得佢咁都喊一餐好可愛呀~~

呼~! 爽晒~~~ 個廳應該入伙後都未試過咁大啊~~~ 勁開心呀我~~~~

但都係開心咗十幾廿個鐘, 因為淘寶ge書櫃同書枱第2日夜晚就送到嚟喇~ 怕米豬搞搞震, 開返d圍櫃圍住佢先~!!

同日夜晚11點半....... 媽媽我自己一個unpack晒所有野, 再開工砌櫃~!! (爸爸0個日有應酬好夜先返)

結果我自己一個玩到零晨2點半

响冇嘈醒任何人ge情況下, 媽媽我 自 己 一 個 砌好晒2組櫃.....

我只可以講, 老母是這樣鍊成的......... (書枱連櫈仔唔駛砌, upack就OK了)

始終覺得d邊有小小利, 同埋d螺絲窿有木屑, 怕米豬會拮到, 所以都係圍住先~~~ 爸爸聽日要做野喇~ ;P

第二日我就同米豬返咗婆婆度(yeah~ 我又可以做廢青喇~) 仲要宿一宵~ 順便等d新傢私散吓陣味~

不過第二朝一起身見到個廳變晒身ge米豬, 梗係勁興奮啦~~~ 即刻衝咗埋書枱度坐~~

睡衣都未除XD 好滿意咁wo~~~

媽媽我好滿意呢set書枱呀~~ 因為可以不停咁變身再變身, 張枱可以變梳化仔, 又可以變茶几仔, d櫈turn 90度就可以比大人坐喇~

希望可以用幾年啦~~~

返完婆婆度返嚟, 爸爸已經磨好晒邊, 封晒螺絲窿, 仲放好晒米豬d書同玩具添~~

以後個廳就靠你保持整潔喇~~~