【升小大抽獎 正宗有人歡喜有人愁 細說父母既憎恨又害怕嘅抽籤機制】

筆者這幾天看到不少有關小學大抽獎的報導，正正是有人歡喜有人愁——特別的例子，更成為媒體關注的對象，相信不少人亦疑問，真的嗎？「嗰個阿媽竟然為咗個仔讀名校搬屋，仲要派咗最後志願間學校？！」「使唔使呀，坐游艇慶祝派到第一志願？唔通以為自己中咗8千萬六合彩頭獎？！」

筆者深信，父母在放榜那刻的開心與傷痛，也許真的是發自內心，並非演戲。面對自己完全控制不了的大抽獎，而想中獎又是人之常情，開估剎那控制不了情緒，實在不奇怪。筆者亦相信，不少對現有抽籤機制既憎恨又害怕的父母，實是迫不得已要參與這場遊戲。

生咗小朋友要唔玩這個遊戲，其實不容易。

帶仔女移民到外國？錢不夠多、學歷不夠高、無親戚住係外國，要做到難度十分之高。讀私校或直資？錢不夠多、小朋友面試表現唔夠好、自己人脈唔夠廣，要做到十分之難。唔返學自己教？錢不夠要返工、教小孩沒耐性、沒有志同道合的朋友讓小孩能過群體生活，亦令家長舉步艱難。思前想後，不喜歡賭博又運氣長期谷底的人，結果還是要填表，把小孩的號碼像六合彩的攪珠球一樣，放到攪珠機裡，期望能被攪珠機早早就吐出來。

好多人認為父母應該放開一點，好學校差學校都可以出到狀元，或甚是沒成為狀元的退校生創業至富的例子亦比比皆是；但見工面試想去好公司、打機想打低大佬或抽到最稀有的寶物、買六合彩想贏到頭三獎，都正常不過，而失敗了會失望亦不是出奇事吧！何況是自己的小孩，被隨機派往那一間小學，真的很難沒期望⋯

當然升小只是小孩成長的其中一個里程碑，父母亦都必需要學會放低，不能令自己及小孩過份的憂慮，或有過大的壓力。但，對於比較緊張的父母，在放榜後有過激的情緒表達，被標籤成怪獸家長，筆者實在覺得有點可悲。

舉一個小例子，還記得小時候筆者參加籃球比賽，坐在後備席做觀眾，看著自己戰友比賽但不能出手，比起能自己落場出力較勁更緊張。所以作為父母，對於一場出了很少力氣，卻需要多多運氣的大抽獎而擔心，及後知道結果後那強烈的興奮或失望，實作需要我們更多的同理！

筆者不是教育制度的專家，難以全面分析「大抽獎」是否公平公正，亦不夠資格去批評這個制度。但作為以後都可能要「被玩埋一份」的父母，已確切感受到，「小學未必影響一生」、「差嘅小學都可以出狀元」嘅唔使擔心咁多的想法及「希望女兒能入讀心儀小學」、「唔想阿女要跨區返學」而不知所措的感受的那種互相矛盾的無奈。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : Scientific Papa

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！