【親子關係】難得的文化週親子時間~湯寶莎莎媽

開學未夠兩個月，學校已經開始好多活動，包括兒童文化周。老師給每個學生一本不同內容的中國歷史故事書，睇完之後要小朋友返去分享故事。當然，要佢自己睇佢肯定坐不定，變相等於我同囡囡講故事。

Photo from MamiDaily

五千年良渚王國

囡囡收到呢本，封面都幾「花呢碌」，主題係五千年良渚王國。自問當年歷史科的記憶早已交回給老師，唯有硬著頭皮當小故事和囡囡一起看，希望佢不會問我一些太深的問題！本書啟發性算高，女兒果然不停問「之前的人係穿甚麼衫？點解他們要到處刻符號呀？之前的人食甚麼呀？」之類的問題，好彩書中都有提到加上我自己知道的，總算能解釋清楚給她聽。然後又和她一起來個幻想穿越情節。

我說：「如果我們穿越回去肯定會好累，又無電又無機器，本書話又要建堤壩，又要起宮殿，全部都要人手做，實累死。」她答我：「我們穿越做皇室咪可以不做，又可以住宮殿，幾好，而且他們好像不用上學呀！」囡囡上左小學就成日都不想返學、不想做功課，每日要陪佢做功課真係令我頭痛。講故事時間之後隨她自己寫心得，實在是令我鬆了一口氣，有少少休息的時間。（不過到最後檢查又是要同囡囡一翻解釋了，好在上次本筆畫字典救咗我，至小無需要同她改很多錯字。希望學校之後可以多做這類活動，比起只做習作簿實在對小朋友同大人都輕鬆一些。）

Text：湯寶莎莎媽