【診所奇聞】小五女「見紅」港媽堅持到診所檢查　大庭廣眾質疑女兒亂搞男女關係

女生一般在8至14歲踏入青春期，並開始出現月經。日前卻有一名港媽發現小五女兒「見紅」，自覺不可能年紀這麼小便來月經，因此一口咬定她定是與人發生性行為所致，逐堅持帶女兒到診所做檢查，並大庭廣眾質問女兒。

Photo from MamiDaily

一名診所女助護「珍寶豬」在Facebook專頁《診所低能奇觀》發文分享她在上班時的趣聞，她指有名港媽帶着身穿校服的小五女兒來到診所，一進來便氣沖沖地走往登記處說：「嗌醫生同我check吓佢係咪做埋啲唔三唔四嘅嘢！」

助護感到困惑，便問她要做甚麼檢查，港媽回答指：「佢嗰度見紅呀，仲可以check啲咩呀？梗係睇吓佢係咪做咗嗰啲嘢啦！」港媽見小五女兒「見紅」，便堅信她跟人發生性行為，於是要帶女兒來診所「驗身」。

之後港媽在診所內繼續質問女兒：「你好講係同邊個做啦下！你唔講我都會捉到佢㗎！」然而女兒卻一臉委屈地哭喊道：「我冇呀，點解你係都唔信我呀？」港媽認為女兒說謊，更指「你當我冇做過女仔呀？你阿媽我都係女仔嚟㗎」。

Photo from MamiDaily

助護見港媽氣在頭上，便出言勸喻她先冷靜，並向她解釋現在的小朋友普遍早熟，小學便來月經並非新奇事。可是港媽仍堅稱女兒並非月經來潮，故一定要找醫生做檢查，更恐嚇女兒指：「佢實係做埋啲唔三唔四嘅嘢，我一定會擰甩你個頭㗎！」而女兒則一邊哭一邊繼續矢口否認。

Photo from MamiDaily

兩母女見完醫生後，港媽一出診症室便陰聲細氣地問：「既然冇咩嘢係咪唔駛俾錢可以走啦？」助護表示醫生有診症便要收診金，對方則稱：「姑娘，可唔可以快啲呀，我喺度多一秒都覺得好難受呀」，助護反指：「可能你個女仲難受」，然後港媽便嘴藐藐行開。

不少網民斥責港媽無常識，「五年班嚟M有乜奇？」、「個老母寧願覺得個女五年級就獻出初夜，都唔願意相信早熟嚟M」。也有網民心痛女童，「戥個女可憐，有個野蠻呀媽，大庭廣眾都咁話自己個女，係屋企肯定講得更難聽，仲話自己都做過女仔」。

延伸閱讀：
【婆媳糾紛】新抱泵初乳放雪櫃奶奶私自取去　加果汁給叔仔飲網民大呼離譜
延伸閱讀：
【結婚禮物】婚禮要求賓客送「孩子」 不孕夫婦終迎來雙胞胎圓滿家庭

Text：Mami Editorial
Source：《診所低能奇觀》