【新冠肺炎】我們的 2020年「全城抗疫」小記(下)|曾媽三寶

【新冠肺炎】我們的 2020年「全城抗疫」小記(下)|曾媽三寶

爸媽分享 mami熱話 家庭關係 bloggers
By曾媽三寶 on 14 Apr 2020

「阿囝阿囡你有鼻水冇?有病冇?」、如何練成一雙「大力金鋼腿」去開門、零食大囤貨、疫情下大家都肥咗⋯⋯ 讓我們繼續貼地記錄《 前文:(我們的2020年「全城抗疫」小記(上)》,香港近日抗疫下的生活點滴 ,唔知有幾多樣,能引起你的共鳴呢?

15868571957733COVID2 PL Cover

1. 「疑病症」蔓延至「少主」身上:

每朝起身除了懷疑自己病病地外《 前文:(我們的 2020年「全城抗疫」小記(上)》,我們還會更擔心自己的「少主」:「阿仔你病咩?有鼻水呀?」自己驚之餘,仲要緊張埋阿仔、阿女個份 ...

雖知道,係呢段時候病,要睇醫生真係好煩,若發燒仲⋯ 心理負擔坦言嚴重過生理因素!

2. 練好一雙「大力金鋼腿」
疫情數月下來,大家也練成了一雙「無敵大力金鋼腿」- 用腳(當然不是踢門之力度)、盡量不用手,去開樓下大堂、公司、洗手間 D 門。

3. 晚市大量特價外賣
餐廳晚市少了堂食生意,唯有盡推特價外賣飯盒救市。此舉給予我們許多平、靚、正的外帶飯款選擇。

4. 每次去超市的消費增多
可能唔知下次幾時再出街,不如一次過買多啲吧!咁就又增多了消費。尤指食物:零食、雪糕、薯片、甜品 等的囤貨(乘機吧!) ...

5. 不過,有一樣嘢就真係買少咗:
就係文具、文房四寶了!因現在大多是網上做功課吧!

6. 「嘩,啲囝囡(同我)都肥咗又靚咗喎!」

廣告
廣告

食!大人待在家裡,無所事事,便會很容易食多咗!

而孩子呢就更易呀!做功課之前要食少少嘢先、做緊時又嗌肚仔餓、做完慶功更要食。成日掛住食,開學後,肥兩三磅等閒事,唔知老師到時仲認唔認得我哋這些肥豬仔呢?

當然呀,成日少咗做運動。政府場地小咗(或暫不開放),又難Book咗。我們大人啲運動班又冇咗。係屋企自己做Yoga?班細路煩少陣已經走運了,仲邊有 ME-Time 剩呢?

7. 「嘩,阿囝阿囡啲頭髮長咗咁多嘅!」

因未洗返學住,成日係屋企,又不用見人(Zoom 除外),所以遲遲冇去剪髮。

其實,最主要係驚佢係髮型屋,手多多、周圍摸、捽眼又捽鼻哥、當然更不想坐車去較遠相熟嘅髮型師度剪。結果,阿媽D.I.Y!最多係喺返學前,疫情消淡時,再出去修剪多次,執番靚個頭吧!

8. 記住提醒小朋友 – 睇得、用得 耐電腦後,要多休息 眼睛!

不論是上網學習、Zoom、或娛樂打機,小朋友係呢段時期,都用多咗電子產品。 家長記住提醒佢地要多休息一下眼睛!如果唔係,未到正式開學復課,就要去配眼鏡了!

==============================
Text & Photos:曾媽三寶

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到:[email protected] 我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook