困在家中冇得放電、睡眠時間好混亂？專家教你4招助小朋友乖乖入睡

肺炎肆虐、復課無期，好多家長安全起見都會將小朋友全日留在家中。喺冇得返學、出街放電的情況下，不少小朋友的睡眠時間都打亂哂，唔肯瞓晏覺或者愈來愈夜瞓。家長可以參考以下呢幾招，幫小朋友改善睡眠！

Photo from MamiDaily

1. 盡量安排在屋內放電

就算屋企地方有限，家長亦可以盡量增加小朋友運動量，例如播放音樂吸引小朋友跳舞，或參考Youtube上一些專為小朋友而設的瑜珈或運動Channel（如： Cosmic Kids Yoga, Little Sports等）鼓勵小朋友跟著一齊做。

Photo from MamiDaily

另外，將運動元素注入生活，例如每次進入房間前要先跳十下，或將收拾玩具變成一個遊戲，放玩具入不同房內要求小朋友以尋寶方式收拾，都是室內放電的好方法。

2. 定時起床

小朋友夜瞓左，加上唔使返學，好多時會越來越遲起身。如果接連下來午睡晏左，就變得更加夜瞓，父母變相無哂私人時間！要破解這個惡性循環，就要由早上定時起床開始，全日的作息規律才會穩定下來。如果午睡遲左瞓，睡眠時間應該相應減短，晚上才會瞓得著。

Photo from MamiDaily

延伸閱讀：
【厭奶期】3個月大開始厭奶？擔心影響生長 不好好吃奶可能和睡眠有關
拆解產後修身 5大常見迷思

3. 晚上避免接觸電子用品

整日困在家中，加上部分學校進行網上教學，小朋友使用電子產品在所難免。由於電子用品（包括電腦、手機及電視）螢幕產生的藍光會刺激腦部，影響睡眠質素，小朋友應在晚上，尤其是睡前一至兩小時盡量避免使用電子產品。

Photo from MamiDaily

4. 留意飲食習慣

汽水、糖果、雪糕等零食當然可免則免，但如果偶爾進食，應盡量在日間進行。晚間攝取過量糖分，會令小朋友難而入睡。

Photo from MamiDaily

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text：BB睡眠專家Sandie

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！