【餵哺感受】人奶VS奶粉各有好處！新手媽媽最重要係處理好情緒

Matt豬未出世時就諗究竟餵人奶定配方奶粉好呢？呢個問題應該所有媽媽都有煩惱過的！

營養方面，雖說母乳係最天然又安全的食品，有營養和抗體～
但事實上配方奶粉都一樣有優勢，而且營養都相對全面，所以只能說向各有各好處呢！

講返我自己先，BB喺醫院嗰幾日都係飲配方奶粉的～本來我應該都算係個富媽媽 (如果堅持勤力泵的話，哈哈)，因為第三日已經谷奶，第四日返到屋企試下就泵到90ml，第7日就已經泵到120ml～當時自己都估唔到咁輕鬆地上到奶～

我一直都係抱住輕鬆心態，覺得只要BB唔會餓親，其實餵人奶定奶粉都一樣有營養，無問題的！

睇住Matt豬一日一日成長，由出世時只有2.85KG，到而家三個月大已經超過8KG （吸收都算唔錯啊），同埋全身都好有肉地令好多人都覺得佢唔似三個月，哈哈～我已經好滿足了！

延伸閱讀：
【抗疫】有小朋友會明白 每日不停消毒、洗手 只為減低病毒傳播機會
【初生BB黃疸】初為人母特別緊張 聽到BB照燈都已很擔心！

所以個人認為無論係餵人奶定奶粉只要媽媽用心照顧好，BB就一定會健康成長！千祈唔好覺得餵母乳先係個盡責好媽媽，唔好令自己太大壓力！反而產後媽媽既心情同心理質素先最重要～

因為要照顧初生BB已經好辛苦同好攰，如果再因為餵食問題令自己心情唔好就好容易變成產後抑鬱！到時就真係會影響BB啦～

記住天下嘅媽媽都一樣咁偉大，一齊加油！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text & Photos：Matt豬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！