【照顧初生】當媽後進入非人生活 不能一覺訓天光 做甚麼都要快

生產完頭4日3夜都仍然可以係醫院好好休息⋯⋯不過由MATT豬出院回家後，就開始了非人生活～不能一覺訓天光的日子，每一日更不能好好連續訓，可以連續訓到3-4個鐘已經覺得好滿足了～（每位媽媽都深同感受嗎？）

坐月的一個月只可以話照顧初生BB時間過得超快，24小時無分日夜！因為你每日的生活就係換片、餵奶、掃風、哄訓覺，無限LOOP～

Photo from MamiDaily

每日只可以等BB訓著左，爭取時間恰一陣，連玩手機既時間都會放棄⋯當BB喊一聲自然會彈醒，跟本無可能深層睡眠！

終於明白可以訓到自然醒、安安靜靜訓一覺係幾咁難能可貴的事～但原來自己又可以唔訓覺都頂得住，真係做左媽媽就會頂硬上！

無覺好訓就一定的
無自由就預左的
再講就係⋯
無時間出街同朋友食飯（就算可以，食完都會急急腳趕返屋企湊仔）
無時間幫自己扮靚（連好好洗面，敷個MASK都變得奢侈）
無得好好地食一餐（要快，準備BB一醒就無得食）

Photo from MamiDaily

總知做所有野都要快～換片要快！食野要快！沖涼要快！去廁所要快！刷牙要快⋯⋯（講真的）
同BB出門自己換衫都要快！無得好似以前咁慢慢襯衫、化妝、整頭啦><
這就是當媽後的生活！

每日都同自己講：「等BB大個D就會好D，好快就捱過架喇！」（只係自我安慰，但其實又點可能呢？發夢中⋯）

最後真係要講一句，今時唔同往日了！為母則強！
只要每日見到BB食飽訓飽屙到便便、健健康康長大、再辛苦都係值得的！

謝謝收睇喔～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：Matt豬媽媽

Photos：Matt豬媽媽 , MamiDaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！