【親子好去處】聖誕週末大派對

By 樂。悠。媽咪 on 03 Dec 2019

挪亞方舟今年舉辦嘅「童萌聖誕大派對」好玩程度簡直爆星呀！悠姐玩完問我：點解可以咁多嘢玩㗎～

講多無謂！睇片最實際～條片我盡咗力剪到最短都要兩分半鐘，大家有興趣要耐心睇哂佢呀！

1）童夢聖誕市集
小朋友化身小店主夾糖糖同整爆谷比爸媽，過程中落手落腳整何其興奮，自己整的特別好味

2）啤啤熊之友製作室
五星活動＊＊＊＊＊：小朋友可親手整毛公仔，非常特別！除咗熊bearbear仲有不同動物選擇，全部都靚料樣靚，每隻公仔都有專屬出世紙，小朋友可幫自己隻公仔改名，入完綿花其實要自己聯返埋個背脊，呢啲粗重功夫緊係老娘搞掂啦～悠姐同樂少一人一隻唔洗爭，揀熊仔仲有衫仔配埋啊。

3）STEAM極速賽道電流挑戰
自己組裝木車仔再拿到極速賽道同其他小朋友鬥快！從過程中學習點先可以整快啲！

4）重頭戲：空中奇遇索道
小朋友身高夠110cm就可以玩啦！但悠姐唔夠高又唔夠膽，所以今次無份玩了。但睇見哥哥姐姐們玩真係夠哂刺激，大小小嘅小朋友絕對不能錯過！

-> 睇片就知有幾好玩!!

5）激FUN天地
小朋友最愛的電動車、彈彈城堡又點小得先！仲有最特別嘅競賽保齡球！上次悠姐喺日本玩完已經話要再玩，估唔到呢度都有得玩啊！

-> 睇片就知有幾好玩～

6）躍動天地
當悠姐見到個巨型旋轉滑梯同空中繩網，簡直大叫咗出嚟～火箭造型嘅旋轉滑梯靚到震，悠姐鯨魚玩到唔捨得走，務求要放哂所有電。值得一提隔離有個小B遊樂場，都好啱樂少玩啊。

7）鹿車飛馳天地
為咗配合聖誕節，樂園還準備了小鹿車比小朋友玩，樂少同媽咪一齊坐，玩到咔咔笑，好可愛～

8）ePlanet 夢想星球
全港首個以大自然為主題嘅光影互動展館，結合咗藝術與科技，以森林、海洋、四季加上未來城市為主題嘅光影互動館～透過故事教導小朋友愛護動物同海洋，小朋友帶上3D眼鏡感受海洋生物，好特別！另外未來城市主題館內，小朋友可以將預先設計好的圖畫填上顏色，有車車、飛機、機械人等，填好後再拿去scan，螢幕上就會出現屬於小朋友嘅圖畫，非常有趣～有興趣還可加錢印上Cushion帶返屋企啊！

玩足一整天，挪亞方舟有專線直到旺角Moko，免除老娘周車勞動之苦！回程時兩小已斷電了。
喂呀！這個大派對真心極之好玩，絕對是聖誕節不能錯過的好節目之一啊！

挪亞方舟「童萌聖誕大派對」
日期：2019 年 12 月 7 日至 2020 年 1 月 1 日（逢星期六、日及公眾假期)
時間：上午 10 時至下午 6 時
地點：香港新界馬灣珀欣路33號
查詢電話：3411 8888
門票：成人HK$198，小童及長者HK$158
網址： http://www.noahsark.com.hk
交通：可於旺角新世紀廣場購買方舟專線連入場券或於葵芳／青衣／荃灣等專線巴士前往；又或是於中環搭船亦可。