download MamiDaily 親子日常 app
【湯水分享】滋陰潤肺 麥冬雪梨茶

【湯水分享】滋陰潤肺 麥冬雪梨茶

健康食譜 爸媽分享
By 小小豬Kinsey on 24 Oct 2019

依家早晚都帶點涼,係漸漸感受到秋意之際,亦都要開始注意乾燥問題,所以又係時候要煲滋陰潤肺嘅雪梨水俾小小豬飲,等佢可以開始打好個底嚟保養一下,咁就唔洗怕佢周身R做隻乾乾豬咁辛苦啦~

湯水分享:滋陰潤肺 麥冬雪梨茶

雪梨三個、雪梨乾一両、麥冬一湯匙、南北杏一湯匙、陳皮一角、蜜棗兩粒~

湯水分享:雪梨三個、雪梨乾一両、麥冬一湯匙、南北杏一湯匙、陳皮一角、蜜棗兩粒~

以下係各食材嘅功效,可以參考一下呀(網上資料)

雪梨 - 雪梨含有豐富葡萄糖、果酸、鐵等多種微量元素、膳食纖維以及維他命A、B、C等,有生津止渴、止咳化痰、潤肺去燥功效,同時亦可以為身體補充額外水分。

雪梨乾 - 具生津潤燥、清熱化痰之功效,雪梨本身屬寒涼之物,但雪梨乾經過烤焗後反而潤而不寒。

麥冬 - 可用於治療肺燥乾咳、陰虛勞咳、喉痹咽痛、津傷口渴、內熱消渴、心煩失眠、腸燥便秘等症。

南北杏 - 可止咳下氣,潤燥消積。

蜜棗 - 止咳潤肺、化痰平喘功效。

陳皮 - 理氣健脾、燥濕化痰。

點解要用雪梨乾?依個係我相熟嘅藥材店叔叔教我嘅,佢話新鮮雪梨就算去清晒啲芯都一定係有少少酸,依個就係新鮮雪梨特性,只要加幾片雪梨乾一齊煲就可以好簡單地中和返那一陣微酸味啦~

湯水分享:加幾片雪梨乾一齊煲

雪梨去芯切塊~

湯水分享:雪梨去芯切塊~

其他材料浸洗備用~

湯水分享:其他材料浸洗備用~

陳皮浸軟去瓤~

湯水分享:陳皮浸軟去瓤~

煲內放入所有材料,然後放入2.5L水~

湯水分享:煲內放入所有材料,然後放入2.5L水~

待水滾後,繼續用大火加蓋煲15分鐘~

湯水分享:待水滾後,繼續用大火加蓋煲15分鐘~

然後轉慢火加蓋煲多45分鐘~

湯水分享:然後轉慢火加蓋煲多45分鐘~

之後就可以飲得啦~

湯水分享:之後就可以飲得啦~

加左雪梨乾一齊又真係冇左嗰一陣微酸味,而且仲帶出左嗰個甜味,所以今次嘅雪梨茶就大受兩位老闆歡迎,話咁快就齊齊幫我KO晒,仲要我過兩日再煲!

溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
- 雪梨是屬於寒性嘅食物,如果有脾胃虛寒嘅情況,就應少吃或不吃,否則容易傷到脾胃。

Text & Photos:小小豬Kinsey

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道