【父母眼中，孩子的健康才是最重要！】

有誰不想自己的孩子嬴在起跑線？

有誰不想自己的孩子在各方面都出類拔萃？？

有誰不想自己的孩子無論是外貌、身型或膚色都要勝人一等？？？

這是我體會過懷胎十個月，現時當心做人媽媽七個月後的感受

記得由小Timson出生的第一天起，除了收到各親友好友祝福外，我還收到各界的評頭品足。

「點解你個囝冇頭髮架？」

「嘩！額頭d火車軌咁多既？係咪你陀住佢個時太多野諗呀？」

「陰公咯！點解會單眼皮架？」

直至小Timson滿三個月大的時候⋯

「嘩！個頭訓到扁哂既？」

「佢太乖喇！唔喊既？喊多d先好呀！練下個肺嘛！」

Photo from MamiDaily

隨著小Timson的成長階段上，我又收到好多長輩不同的意見⋯⋯

「BB睇電話，唔怕啦！」

「想帶佢落公園行下，有蚊唔怕啦！」

「BB有汗疹，唔怕啦！」

「BB唔一定要爬架！你唔好咁死板讀死書啦！」

咩都唔怕，看來小Timson是百毒不侵的～

Photo from MamiDaily

在加固方面⋯⋯

「你唔好搵佢做試驗品試咁多野啦！」

「由得佢順其自然餵佢食粥咪得囉！」

「你繼續咁樣會害死佢架！」

我發覺當了媽媽以後，除了鐵人28，踩行turbo湊Timson外，還要有心理準備迎接旁人的一藉話，意志要夠堅定，不被旁人觸怒自身的情緒，小Timson由出世至成長過程，就算托賴冇病冇痛，亦避不開接踵預防疫苗而引起發燒的反應，一旦發燒，整晚根本無法入睡，每隔半小時需要給他度體溫，他的不適只能用哭鬧來向你表達，媽媽身累但不敢睡，更何況有些孩子突如其來發高燒不退，看急症留院觀察那時的頻撲，那種擔憂，當你為人父母，做了媽媽以後，究竟望子成材重要，還是孩子的健康重要？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：Yuki Hui's Life Blog

Photos：Yuki Hui's Life Blog ,  MamiDaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！