老公學嘢啦!必學5句說話𠱁媽媽

老公學嘢啦!必學5句說話𠱁媽媽

家庭關係
ByCircle on 21 Aug 2019 Digital Editor

做咗媽媽之後,有形同無形嘅壓力都好多,真係好需要有人喺身邊給予無限支持。係人都鍾意畀人𠱁,喺難過、失落嘅時候,媽媽被老公同BB𠱁就最開心!老公們,唔止要多啲體諒老婆,得閒講多幾句好說話等老婆開心吓~ 以吓呢5句說話記得袋住佢啦!

MamiDaily
Photo from MamiDaily

1. 我愛你!
唔好以為呢句說話係「行貨」!要知道每日keep住同對方講一句「我愛你」其實真係好難,不過正正就係因為咁媽媽聽到呢句I love you由老公或仔女口中講出嚟,個心真係特別甜!溫馨小提示:要畀啲誠意同感情講,太hea老婆可能會嬲/唔開心多幾分~

2. 放假一天
聽到老公/家人批准自己放假一天,暫時放低家庭同BB嘅事真係一身輕~ 最開心係放假前一日,咩壓力都隨呢句說話走晒!

MamiDaily
Photo from MamiDaily

廣告
廣告

3. 又靚咗啊!
媽媽生完BB,加埋照顧佢哋食無定時,瞓覺又瞓得唔好,皮膚都差咗好多!加上啲時間用晒喺仔女身上,只可以趁起身同瞓覺之前護膚,好耐冇化過妝啦!所以聽到有人讚自己靚咗,真係會好開心~ 內心當然希望唔係容套說話啦!

4. 好好休息
未湊過小朋友嘅你永遠冇辦法想像照顧一個小朋友係要幾精神同力量!最慘嘅係BB喺夜晚嘅時候最活躍,媽媽根本就冇時間唞!所以當有人同自己講一聲:「今晚交畀我啦,你好好休息」,真係會好感動!媽媽真係好需要嘅時間好好瞓一覺休息吓。

MamiDaily
Photo from MamiDaily

5. 絕招:抱住BB
有時老婆好嬲好唔開心,老公講啲咩都聽唔入耳!唔緊要,仲有一個絕招:抱住BB同佢對話。媽媽見到BB就好易心軟,如無意外嘅話,BB𠱁一句好過老公講十句。不過都要配合埋老公嘅誠意嘅~

Text:Mami Editorial

Share to Facebook