【自家製泥膠 唔洗怕玩到食到化學嘢】

阿女近排好鍾意喺屋企玩泥膠 ，但係自己又好怕佢有時會唔小心擺咗落口。驚佢食咗啲。

上網搵過幾個recipe ，原來發現自己喺屋企好易整泥膠。而且又唔怕小朋友唔小心食咗

材料如下：

三杯麵粉， 

一杯鹽， 

兩茶匙食用油，

 一杯熱水 ( 只要摸落去熱便可，並唔需要滾熱辣的熱水)。

將所有材料到落一個大碗嗰度，最後先至加熱水，而且要逐少逐少咁樣加，唔好一次過倒曬落去，之後攞兩隻手係咁搓麵粉糰，搓到摸落去似方間買既泥膠嚟嗰種軟熟度便可。

最後記得用三文治袋封好。 如果每次小朋友玩完，記得放返入個密實三文袋嗰度，其實可以玩足一個月。 我響三文治袋入面加咗茶樹精油，因為怕天氣潮濕嗰陣會發毛。加兩滴茶樹油可以令到泥膠保存耐啲。

如果整完泥膠之後 覺得太過濕亦都可以加少少麵粉落去抽乾水分。

至於顏色方面，我就用Raspberry同士多啤梨搞爛佢。因為覺得用食得嘅嘢會安全一啲。

=========================================================================================================================================

各位媽媽可以喺屋企試下整! 玩泥膠對歲半至4歲小朋友嘅motor skill好好㗎。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：比卡超人妻

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！