【羨慕全職媽媽時 你知佢係點生活嗎？】

毛爺打蛇甘早零晨4點半起身，餵奶>玩>餵奶>換片>餵奶>玩

平時食1陣奶就會繼續瞓
毛爺突然跳左制*由4點半1直玩到6點都唔肯瞓
唯有帶佢落街放電
出左1個鐘街番到屋企已經眼瞓樣*把握機會再餵奶
終於瞓著*進入快速差電模式

15分鐘後 (ㆆ_ㆆ) 差完電*自己企起身係床度玩
再同佢玩1輪再餵奶*我已經攰到想嘔
不過精采的1日先開始
攪掂阿仔就上大陸*幫老爺老公攪續車牌
又攪完一大輪終於完成*去左食個：点都德：
番到屋企已谷奶谷到上頸甘制
炸炸林沖個涼再餵奶
好彩毛爺係個強勁奶泵，好快食鬆哂♥
再趕出去同契爺爺契媽媽食飯，慶祝契爺爺生日
好多偈傾：揀學校*契仔日常*湊仔.....最緊要就真係哩樣：百鳥歸巢：又學到野
食完又趕番屋企湊仔日常餵奶>逗柯屎>換片>餵奶>玩1輪>餵奶>氹瞓教
我諗我感受到咩叫自殺式漏電
到左2點幾，我終於有得瞓啦感謝主
瞓到4點幾又loop過再加阿仔9點番學
邊個話full time mum唔使番工，你就得閒好嘆啦！"Full Time Mum"同"嘆"係永遠扯唔上任何關係!!

⚑番工的你番到悶悶地可以去蛇下吹下水抖下 | 全職媽媽的我攪哂B野到佢訓左都仲有大量家頭細務未做
⚑番工的你病左可以SL慢慢係屋企抖 | 全職媽媽的我係唔可以,因為B唔會因為你病而唔需要你餵奶換片沖涼放電等等,自己頂硬上
⚑番工的你做錯野可以sorry甚至可以瀉肩 | 全職媽媽的我只可以自己硬食, 用更多時間更高效率解決,否則後果都係自己食番哂
⚑番工的你做到冇停手冇lunch同事都會鄧你慘 | 全職媽媽的我只有諗下點樣練成光合作用/食自己, B係唔會可憐你!
⚑番工的你準時有人工有雙糧有花紅 | 全職媽媽的我唔止冇哂哩D福利, 仲久不久會聽到:你就好喇唔使番工, 可以甘得閒係屋企!

請問聲: 你有勇氣挑戰做1星期全職媽媽嗎?

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：我愛攣毛哥

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！