【係咪真㗎？】孕媽必睇！拆解4大懷孕飲食迷思

懷孕期間好多嘢都要格外小心，特別係喺飲食方面。坊間流傳好多唔同嘅說法，例如食乜對BB好，懷孕時有啲乜唔食得等等。今次為大家拆解幾個常見嘅迷思，不妨參考一下。

1. 多飲奶類製品，BB皮膚會更白嫩？

坊間好多人話：想BB啲皮膚又白又滑，媽媽喺懷孕期間就要飲多啲奶類製品，例如：牛奶、豆漿。另外，如果食得太多醬油，BB皮膚就會又黃又黑。但其實「吃白變白，吃黑變黑」依個講法並冇任何根據。而且BB皮膚嘅顏色係取決於黑色素，喺爸爸媽媽嘅基因配對下，其實已決定咗BB將來皮膚中所含嘅黑色素。

Photo from MamiDaily

2. 多食容易致敏嘅食物，可以增強BB抗敏力？

有人話媽媽喺懷孕期間食多啲容易致敏嘅食物，例如：花生、牛奶，可以增強BB將來嘅抗敏力。事實證明真係有用！有研究指出，喺孕期內加強Omega-3嘅攝取，能夠為BB建立更高嘅抵抗力，減低出現敏感嘅風險。

Photo from MamiDaily

3. 懷孕期間，媽媽要食2人份量？

懷孕初時，媽媽可能會因為身體不適，出現孕吐問題，所以食慾減少。但去到懷孕中後期，情況開始穩定，食慾就會慢慢回復正常，甚至增加。不過，媽媽並唔需要食2人份量，只要每日攝取多300卡路里已足夠。如果食得太多反而有機會患上妊娠糖尿病。

Photo from MamiDaily

4. 懷孕期間，唔可以食生冷嘢？

好多人擔心喺懷孕期間食生冷嘢，會導致宮縮，但其實並唔會。不過，媽媽食生冷嘢時都要留意，魚生、沙律、雪糕等，都好易受污染，最好盡量避免進食。

Photo from MamiDaily

Text：Mami Editorial