【湊B唔容易】長期冇覺好瞓？4個動作有助提神醒腦

自從有咗小朋友之後，瞓覺對媽媽嚟講，已經變成一件非常奢侈嘅事。一日24小時都要睇住BB，照顧佢嘅起居飲食、又要做家務，真係少啲精力都搞唔掂！今次同大家分享幾個小動作，每朝起身做幾分鐘，就有提神醒腦嘅效果，咁就冇咁易「斷電」啦！

1. 眼球運動

每朝睜開眼後，慢慢地轉動眼球，先左石，再上下轉動，兩邊眼球各轉10次，有助增強神經嘅靈活性，更醒神。

Photo from Shutterstock

2. 拱腰

有時候醒咗，全身酸痛，攰到唔想落床，可以試下做拱腰動作。平躺喺床上，雙手放兩邊，用腳跟施力，翹起臀部，用力拱腰，將身體抬高，大腿同上半身呈一直線，再將身體放回地面，重覆10次。有助促進血液流通，放鬆肌肉，紓緩腰酸骨痛。

Photo from Shutterstock

3. 梳頭

由於頭部有好多穴位，梳頭可以達到按摩嘅作用，疏通經絡，加強血液循環，有助改善同增強對頭皮及腦細胞嘅血氧供應，從而消除大腦疲勞。

Photo from Shutterstock

4. 按鼻翼

將中指放喺鼻孔旁邊，沿住鼻翼位置，一直向上搓到額頭，重覆按20次。呢個動作可以促進面部嘅血液循環，從而達到醒腦嘅作用。

Photo from Shutterstock

Text：Mami Editorial