永遠將孩子放喺第一位 媽媽對孩子比自己好3件事

有咗小朋友後嘅最大分別，除咗自己生活變成為孩子而忙外，就係自己全副心思都先花喺孩子身上。當想出去食餐飯、買件衫、睇一場戲⋯⋯媽媽都會第一時間諗餐廳有BB凳嗎？BB有咩食得呢？BB衫夠著嗎？睇一場戲咁耐BB邊個湊呢？ 媽媽，往往就係優先將孩子放喺第一位，其次先會諗到自己嘅人。

Photo from Pinterest

1.錢都用喺孩子身上

媽媽平時都會貨比三家，唔係真係好需要都盡量慳錢唔買無謂嘢俾自己，但當見到標榜對孩子有益處嘅食物、玩具或教材，媽媽就會好易被打動而買、買、買！一心只諗住對孩子好、孩子會鍾意，自己咩都可以慳，就係孩子嘅嘢唔慳得！

Photo from Pinterest

2.最緊張孩子嘅健康

做媽媽嘅最怕孩子受病魔折磨，一旦孩子生病，媽媽都會毫不猶疑帶孩子睇醫生、遍尋護理方法同加速身體復原嘅食譜。相反如果係媽媽自己唔舒服，都唔會貿貿然睇醫生，因為怕孩子冇人照顧而隨便買啲藥食就算。

Photo from Pinterest

3. 最好都留畀孩子

媽媽總會將最好嘅嘢都留畀孩子，寧願忍受長期胸部脹痛不適、定期泵奶去餵母乳；以食材為例，媽媽都較願意買昂貴嘅有機食物煮俾小朋友食，但自己就唔捨得食； 如果孩子鐘意食某食物，媽媽都毫不猶疑將分大大嘅一份畀孩子，而自己只食少少甚至唔食，只要見到孩子食得滿足嘅樣就會感到好開心。

Photo from Shutterstock

Text: Mami Editorial

Photo Source: Shutterstock, Pinterest