【復活節假期好去處 巨型太陽蛋加限定店】

對17個月大既淳黎講日日都係假期, 之不過復活節又會有好多限時活動, 今次復活節假期前夕帶佢去荃灣一個廣場走走跳跳~ 呢度有兩個活動同時進行: Eggciting Easter 同 TsumTsum 限定店~

Eggciting Easter

分6個區比大家影相, 最出色係隻巨型太陽蛋, 淳係咁爬上去, 又坐又企又爬, 仲當滑梯落番地。 仲有一隻巨型蛋可以坐入去, 淳同哥哥姐姐坐係入面玩咗好耐, 其餘時間係我既小model, 任影唔嬲!

TsumTsum 限定店

當然又係會有影相區啦, 仲係淳媽shopping時間~ 有巨型TsumTsum擺設, 隻隻都大過淳個頭架! 有部巨型彈波機好吸精, 買滿$200可玩1次, 中獎會有小禮物, 所以淳媽決定買咗架聲控遙控Pooh車, 個人認為幾抵, 因為做緊優惠 XP, 而我地都順利玩咗部”擲”波機 (佢係一部壞咗既機, 啱啱比人彈壞了)

好期待復活節假期安排比淳既活動呢!

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：淳媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！