【媽媽心聲 感謝囡囡來當自己嘅孝順寶寶】

你問我，生女好定生仔好？我現時只係得和牛B一個女，對我嚟講生男生女都一樣好，因為都係自己親生嘅。自己都係女兒，我絕對覺得女兒會相對較為孝順父母。

咁生咗和牛B之後，我覺得生女嘅好處係，女兒真係會好細心，好溫韾，好識關心人。

而最重要就係，囡囡由出世開始就已經係媽咪嘅有血有肉洋娃娃。

出世頭一年，和牛B都勁少頭髮，所以屋企都唔知買咗幾多條髮帶俾佢戴。

但係都仍然有人問「個BB，係咪BB男嚟o架?」

而衫仔方面，由未出世開始不停都會買衫，因為長大速度快，二來女仔衫實在太可愛啦，點可能忍得住呢?!

女仔仲可以著中性服飾、甜美公主系嘅衫，仲要加埋配飾 (帽仔)，真係買極都買唔完。

中性服飾打扮

可愛復活兔兔服飾打扮

所以和牛B個衣櫃永遠都係山泥傾瀉，執好唔夠一星期，就會打回原形。

其實除咗會買好多靚衫俾和牛B之外，和牛B已經識得開始要求我要同媽咪著嘅一樣，我想要公主衫。

同和牛B公仔出街咁出街，老公好多時都好羨慕。

生仔生女都好啦，無人係完美嘅，但係自己親生，一定會好鍾意好愛佢。

感謝和牛B，來當我嘅女兒。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：和牛B的成長日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！