【爸媽唔識答小朋友問問題 想像力同幻想會嚇你一跳】

有時小朋友問的問題，真係好難一時解答得到......

上星期同大仔(5歲)經過街市檔紙紮鋪，大仔見到個紙紮跑車，拉返我轉頭話想買呢架車.......

我同佢講呢D唔係比你玩家！
佢又問咁係比邊個玩家？

我真係一時想唔到點樣解釋，就話係比D死咗嘅人的~
大仔話死咗仲點玩呀？！

(圖片為紙紮鋪的紙跑車)

有一晚跟家人吃飯時，大人們提及到退休的話題......

大仔聽到我們的對話就插咀說：「D人老咗退休就會變舊石家啦！」

我同家人以為大仔睇過"降魔的"這套電視劇集, 以為人死後會變成石精靈。

之後大仔再補說一句：「死咗之後變舊石, 石上面仲會寫自己名同寫字家嘛！」

我地即時哈哈大笑，沒想過小朋友想像的死亡是這樣。

有時候想教小朋友什麼是死亡都很難，一下子父母都不懂應對......

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：四寶媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！