【加固心得 媽媽自己整冰磚】

Jacob 5個半月倒我已經開始幫佢加固（即係開始食固體食物／糊仔），由於我目標係Jacob 食既每一口啖粥都要有三種食材！所以我效法好多台灣媽媽咁整冰磚黎規劃食譜配合bb 營養所需之餘簡單方便，仲可以日日唔同餐單。

1. 點解要整冰磚？
香港大多數媽媽都要返工，返到屋企都無乜時間可以又洗菜、蒸煮、煮粥、攪拌etc..,所以星期六日整定一星期既食材mix and match 方便快捷！

我本人唔止係全職媽媽，仲要無工人，所以我幾乎都唔會煮飯，買落d 有機菜呀肉呀魚呀，煮完一餐一定會浪費左，再擺雪櫃又怕擺到唔新鮮。

2. 需要點準備？
首先，你一定要有一部攪拌機/棒。我自己用緊 beaba 既Babycook PLUS， 貪佢一部機可以同時蒸、煮、攪拌，要清洗時亦好方便。咁我唔洗蒸完野又洗多隻碗/碟。或者如果你屋企本身已經有blender 亦可以。

另外，要有冰磚格！即係你見到圖中好似冰格咁既東西。但佢同冰格唔一樣，以下係揀冰磚格要留意既地方

格仔容量由15ml～150ml不等，可以自行配合，例如今餐20ml 南瓜，20ml 菜心，20ml 豬肉

必須要有蓋，食物先唔會混入異味同保持新鮮

揀選PP材質，其耐熱度高達110度，因為蒸完blend 好就直接倒入去，食物溫度仍然偏高

矽膠製造，柔軟同有彈性既質地先可以將d 冰磚退出黎。否則好似普通冰格咁，要狂拍，拍完仲要d 冰飛到一地都係????

為左bb 健康，當然材質不含PVC、雙酚A、鄰苯二甲酸酯、塑化劑等有害物質

我自己用緊韓國出既bebelock , 亦即圖中容量比較細長方形果款。佢有大中細容量揀。
亦用緊beaba，即圖中六角型藍色果款。呢款容量比較大，每格有90ml, 我多數用黎裝南瓜、薯仔、蕃薯、菜呢類一餐食得比較多既食食材

好啦，講左咁多，下次介紹下有乜食譜、同乜野食物唔適宜製作冰磚

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：jacob媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！