【BB成長小伙伴 互相搗蛋笑死媽媽】

話說肥表哥出世一個月左右，我就有左西瓜妹，我陀住3個月，佢又係3個月！一路望住佢大~

到我7-8個陣，個肚開始大，佢好中意攬住我個肚，唔知係感覺到裏面都有個bb，定純粹以為佢係一個大波波 haha，但每次攬住都流露住幸福開心既表情。

到西瓜妹出世，10個月大既肥表哥對呢個只係識喊既妹妹好好奇！會望住佢，有時又會掂下佢。

到1歲2-3個月，佢開始有少少抗拒西瓜妹，可能個時西瓜妹依然未有太大反應，所以嫌佢悶！
黎到依家西瓜妹7個月，終於一齊相處到，而且好中意痴住表哥一齊搗蛋！表哥有時又會塞手指/塞野食入西瓜妹個口到，場面好好笑！

黎緊西瓜妹多個表弟玩啦，唔知反應會係點呢？！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！