提早畀新年禮物 學校實施零功課新年假期

新年假期就快到，當大家興高采烈準備放假時，可能爸爸媽媽們又要幫小朋友準備假期後嘅考試，要假期盡情咁玩，可能要先做好一大堆功課，但假期就得個幾日，唔通童話故事講嘅都是騙人的？

但原來現實係真係有唔洗做功課嘅假期㗎！有網民喺社交網站上載張仁愛堂田家炳小學校長發出嘅通告，講到今年農曆新年假，即由2月4日至2月13日起，為期10日嘅年假將會喺小一至小五學生實施「零功課」，比學生同家人盡情享受新年假期，感受節日嘅祝福。

其實除咗想大家盡情享受假日外，亦希望學生同家長可以善用假期進行親子閱讀活動，好好提升對閱讀嘅興趣，唔係只係玩足成個假期！

今次學校嘅安排得到好多家長同學生歡迎，令大家減少好多功課上壓力，但當然好多人都留言話好羨慕～

Text：Mami Editorial

Sources：仁愛堂田家炳小學