download MamiDaily 親子日常 app
【第一次跟嫲嫲上學去 新手爸媽學習放心多少少】

【第一次跟嫲嫲上學去 新手爸媽學習放心多少少】

教育路 爸媽分享 家庭關係
By Mimi JW on 24 Dec 2018

今日第1次嫲嫲單拖湊心怡番學放學,出門前不停同心怡洗腦陣間要拖住嫲嫲,嫲嫲同囡囡番學,過馬路要抱住等… 依家諗番起都覺得自己可以試下放心多少少!


從未試過俾嫲嫲帶心怡單獨出街,因為嫲嫲湊仔經驗有限,所以有各種嘅擔心同因素。上星期去完泰國旅行後,幾日都有試過等嫲嫲拖住心怡行商場,見到嫲嫲都ok嘅。佢會見到心怡有咩唔對路扭就一野抱起佢。

遲早都要學識放手,或者我應該都要慢慢放鬆啲,今日咁岩爸b同我都要番工,就試下啦!送到心怡佢地落樓之後,心怡拖住嫲嫲回頭望我,叫媽咪呢,嗰下真係有唔捨得同覺得對佢唔住咁,望住佢地嘅背影唔捨得離開,有啲覺得自己似痴漢
深呼吸一啖… 好!去學校報名先!

望鐘10點,應該入左班房喇掛,忍住唔打電話俾嫲嫲住,過多幾個字終於聽到嫲嫲電話,話抱住心怡行多,仲搭多個輕鐵站,唔駛行咁耐。心怡見到學校門口有啲呆豬,入班房前喊左2聲,可能無番成個星期,突然唔習慣,但係有老師喺度都安心,因為通常有辦法按撫到佢,同埋衰妹見到同學仔玩,佢會好快冷靜同投入!

15456654821809WhatsApp Image 2018-12-10 at 10.21.38

放學接送時間,原來爸b都好緊張嫲嫲第1次情況打電話了解,知道順利平安番到屋企同準備食lunch,太感恩!今日總算順利平安!

我都明嘅,如果有我地2個喺度,嫲嫲好多時都會無咁叻豬,可能有壓力,哈哈!但見到佢無咁精伶湊心怡,都梗有啲擔心架!

呢個係一個好好嘅經驗同學習放手嘅感受,相信心怡愈大我地嘅緊張亦會少啲少啲再少啲,所以要好好紀錄依家新手爸媽呢種痴漢緊張!

==============================

Text & PhotosMimi JW

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道