有冇諗過自己嘅母乳係點樣？原來母乳咁神奇！

大家都知道母乳嘅好處多多：作為BB嘅抗體來源、易消化好吸收、紓緩BB濕疹等⋯⋯簡直係BB嘅萬能藥。新加坡有一位媽媽某日突發奇想，用屋企嘅顯微鏡觀察自己嘅乳汁，結果發現母乳內大小不一嘅顆粒，有啲小顆粒仲會游嚟游去，非常可愛！

喺顯微鏡下，可以睇到母乳入面有大又有細嘅游動顆粒，的而且確，母乳中含有多種免疫細胞，其中巨噬細胞可以直接吞噬病原微生物，仲有中性多核噬殺傷細菌。

反觀奶粉喺顯微鏡下又係點呢？

下面左圖係顯微鏡下嘅配方奶，右圖係顯微鏡下嘅母乳。

可以見到配方奶中係冇細胞，相反母乳中含有大量白細胞同脂肪球，白細胞可以增強免疫力，而脂肪球就可以幫助BB嘅眼睛同大腦快速成長。

據統計，持繼餵哺母乳一年後，母乳含有約400幾種營養物質，而配方奶嘅成分只有50種左右。

而到第二年，母乳會因應BB嘅成長而調節成分，脂肪含量同能量會顯著提高，血清素（營養物質）同溶解酵素（排毒）亦會不斷增加，呢啲都係配方奶唔能夠模仿。

所以，世界衛生組織會建議媽媽最好以純母乳餵哺BB到6個月，而之後繼續以母乳餵養到BB 2歲。

餵緊母乳嘅媽媽要堅持呀！千祈唔好放棄呀！

Text：Mami Editorial

Photo Source： Pinterest