【平日淨係顧住個仔 媽媽都係時候顧下自己個胃仔】

相信大家都經歷過食海鮮「海鮮價」呢個情況，食得出色嘆得舒適，我大胃倩今次帶大家去沙田冬菇亭手工蟹宴：明碼實價！貨真價實！包你話讚讚讚！

鱻潮手工私房鍋房鍋位於沙田冬菇亭！沙田火車站一出行三分鐘就到，環境非常寬敞，你睇下我成枱都擺曬蟹仲可以咁輕鬆影相就知道有幾嘆！我哋揀咗主打 $288手工蟹宴，淨係手工蟹宴呢個主題已經非常吸引！套餐包咗每人一隻凍蟹，另外可以選擇星洲黑胡椒炒蟹半隻或者咖哩蟹半隻，第二樣要揀嘅就係鱻潮花甲蟹鍋或招牌鱻潮鍋(麻辣湯或鮮魚湯)！仲有招牌手工蟹子蟹肉珍寶珠、八吋皇帝蟹棒！手工魚皮或者手工響鈴二揀一！西班牙黑毛豬或者安格斯牛頸脊二揀一！滿載而歸或黑白墨魚磚或鱻潮福袋或香茜手工墨魚丸或鱻潮手工雙蝦棒五選一！

一坐低就有人拎調味盤過嚟，蔥、生蒜，炸蒜、辣椒油、指天椒、芫茜⋯⋯任君選擇。

第一道菜：凍蟹（一人一隻）

凍海鮮通常容易有腥味，但呢度嘅凍蟹相當新鮮，唔單止冇腥味，而且仲食得出濃厚鮮甜味！沾埋個泰式酸辣汁開胃醒神！

第二道菜：星洲黑胡椒炒蟹

我本身不太好胡椒!但呢個星洲黑胡椒炒蟹非常惹味！超出我所想！！ 醬汁黏在飽滿蟹肉上，香氣濃厚，辣味溫和不嗆喉！

我哋揀咗花甲蟹鍋，魚湯湯底冇加味精！本身較有少少淡，裏面有兩隻蟹，滾多滾就會慢慢帶出鮮味，裏面嘅配菜都有份淡淡的清甜。蟹肉夠新鮮，膏香重，花甲爽甜！

配料：
1.西班牙黑毛豬
黑毛豬的背部，肉質鮮嫩细腻

2.招牌手工蟹子蟹肉珍寶珠
手打墨魚滑包著蟹肉蟹籽，非常有口感！相信有經過撻打製作過程，所以超爽彈！

3.八吋皇帝蟹棒
蟹棒長達8吋，啖啖肉大滿足！

4.鱻潮福袋
福袋以豆腐皮包裹南瓜，呢個配搭真係第一次見非常有新鮮感！口感豐富！‌

5.手工響鈴
賣相相當討好，響鈴好鬆化，灼時只要灼一秒鐘就足夠了，放多過一秒，響鈴就好容易斷！

總結：鱻潮手工私房鍋位置就腳、環境舒適、食材有一定水準，而且以三百蚊價錢食手工蟹宴，真係非常抵！所以晚市座無虛席，誠意推介！！
鱻潮手工私房鍋
沙田逸泰街博康村熟食中心8號舖(沙田圍站B出口)
Tel:9613 3368

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Sin Mama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！