【例牌度高磅重量血壓仲有咩特別 養和醫院產檢初體驗】

開始感覺到身體上同口味上有變化，有時少少反胃，有時少少頂胃；唔係好想食肉，每餐都食少咗，五成飽就夠，體重輕咗d。唔想變超重，上網搵到個range，方便 monitor 住自己，因為產檢先發現超重嘅話都係要控制飲食，生完更加難減，不如而家開始乖乖哋，做個fit大肚婆。

其中一個方法，先計自己BMI，再對返個表：

1. BMI = 體重(kg) / 身高2(cm)

(Source: https://bit.ly/2vLFNqO)

初初諗住私家醫院產前檢查同政府醫院或者母嬰健康院應該差唔多，除咗收費同服務，以為無乜所謂，真係親身去過先知真正分別，自己再衡量：

懷孕7周，為咗方便檢查個肚，我著 T-shirt同半截裙去檢查。去到養和五樓，機仔響先登記同探熱，然後姑娘幫我驗小便、度高、磅重同量血壓，再過隔離廳等見醫生。呢個過程都唔算耐，老公都無唔耐煩，都唔少中港兩地準媽媽，加少數外國媽媽。照超聲波時候姑娘會拉簾，用塊布擋一擋，如果要解一解褲頭都無咁尷尬。睇到 baby都好興奮，仲見到閃閃，因為未知仔定女，我哋覺得好神奇又好神秘。醫生仔細咁望子宮、胎囊同個胎， confirm係一個 baby，唔係多胞胎，size亦正常。攞埋醫生紙同俾錢，約埋下一次檢查，走得。

首次診症醫生費會貴d d，預每個月返嚟一次，不過每次都可以照超聲波見 baby同有幾張相。

(養和婦產科收費表：https://bit.ly/2r55LA2)

第二次產檢我兩邊都有去：

養和醫生無係唔係都話開刀，知道我 prefer順產，照超聲波時候都有再仔細 check。定期睇住 baby size大咗唔同咗，手腳同臍帶又清楚咗，我同老公都放心好多。

老公都係想我同 baby可以舒服 d，由產檢到生都係同一個醫生，到時有需要嘅姑娘都會照顧我哋，所以都係揀喺養和生。攞定分娩套餐睇，當然，要預算埋如果最後要剖腹生產，條數就好唔同。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 奶柔豬的媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！