【教育制度】「學生唔係唔勤力，係無時間勤力」，家長斥學校、老師心態出錯，引起共鳴

By wing.wong on 21 Nov 2024

香港學童壓力大，很多人認為這與頻密的測驗、考試及功課量有關。一位家長在Facebook群組「不願小朋友成為功課奴隸」分析，認為：「學生唔係唔勤力，係無時間勤力」，並指責老師以多功課、默書作為約束學生方式，加上學校催谷，令學生在學習的道路越行越遠。帖文引起網民的共鳴。

Photo from 《教束》劇照

今時今日學生無時間勤力

學生之所以沒有時間學習，該名家長認為老師給太多功課是其中一個主因：「今時今日，仲有老師以為罰抄三次古文，個細路就會背熟成篇古文，默書先會合格，最後搞到個細路凌晨兩點先做功課！」樓主不滿強調：「實情現今中學生唔係唔勤力，而係無時間勤力！」、「又多功課，又多Quiz，又多默書」。

「老師真係以為學生係鐵人」

樓主續指：「老師真係以為學生係鐵人」，學生在上課日：「晨早6點起身，4點放學，課外活動到6:30，返到屋企食完飯都9點，9點先可以開始做功課！跟住預咗weekend時間係攞來做功課溫書，又再俾多啲功課量佢哋，而唔係真正俾quality of time小朋友放鬆！」有人會認為以前學生都是這樣，他們都可以應付到，做好時間管理就沒有問題，樓主反駁：「Sorry！時代唔同！」認為現時小朋友面對的壓力比以前大好多，課業程度更深、要求更高，大人的期望更大。

Photo from 《教束》劇照

老師心態出錯，令學生陷入惡性循環

樓主認為：「真正的教育，講求重質不重量！」、「用最高效能及優質的時間來吸收知識，才是學習的精髓」，但現時很多老師的心態是多給功課、默書、測驗，認為這樣學生才會吸收：「唔合格又重測重默，再唔合格就再重測再重默！呢種惡性循環方式，只會令小朋友更討厭學習，對學習更失自信」。老師認為這樣可以約束學生，令學生多花時間在學習上，但實情卻是令他們在學習的道路越行越遠！

Photo from 《我的這一班》劇照

「香港教育制度，要諗一諗！」

樓主又以中國教育作比較：「外國教育本身就是less homework, no extra tests, more critical thinking. 中國教育近年也改革，進行『雙減』政策！」，相較之下，樓主指出：「香港的教育制度，真的要停一停，諗一諗！」

學校未顧及學生心態，一味催谷

樓主提醒：「記住！呢代的學生心態都好脆弱」，尤其在經歷3年疫情，學童的抗壓能力已被嚴重打沉：「唔好以為完咗疫情復常，佢哋就好似食咗仙丹咁，叮一下就恢復到以前進度及學習能力，跟住就好似趕進度咁一味谷佢哋⋯⋯」，間間學校都不斷催谷：「Band 1要保持入U率，要谷；Band 2要升banding，又谷；Band 3驚殺校，都要谷！最後谷爆哂啲小朋友！呢招真係唔work！」最後，樓主感嘆，作為家長，陪著小朋友走在學習的道路，只有無盡的心痛和萬分無奈，即使向學校反映，也只會被標籤為麻煩家長。

Photo from 《愛回家之開心速遞》劇照

網民：小朋友真係冇停過

帖文引起熱議，不少網民留言表示認同：「樓主字字珠璣，句句心聲」、「成個教育制度都係錯，根本壞咗喺個制度」、「小朋友真係冇停過，平日不停小測默書評估，但係邊有時間去溫」、「香港嘅教育係谷出嚟，真正嘅教育其實係要小朋友得到真正嘅啓發，激發小朋友嘅自主學習」。有網民認為家長亦有責任：「覺得身邊嘅家長其實仲谷過學校，由幼稚園就開始要個小朋友補習，然後又同時塞滿一堆課外活動」、「其實係教育有問題，定係家長有問題？」，認為家長都應改正心態，避免催谷子女。