【想BB一瞓到天光並唔困難必定要幫BB調較好生理時鐘】

By Charles Mama on 16 Apr 2018

我自己左會用睡前常規去令佢知道係時候要訓教之外，得仲會幫佢調整日夜顛倒。

我自己就會要佢朝早7：00起身，起身會同佢講Good Morning之外，仲會想令佢醒小小個人冇禁呆滯，我會同佢玩一啲小遊戲，會同佢玩啲有小小互動性既遊戲：好似係伸隻手指出黎等佢都伸出黎同你篤手指禁，其實呢個篤手指既動作係原於佢曳曳，我想佢知道媽媽話緊佢教佢就伸住隻手指話佢，之後佢好快就學識，仲會時不時禁伸番出黎指住我。

玩左一輪到佢就會笑到卡卡聲，個人就會醒哂架啦！禁之後我會由佢自己係出面玩玩具，我就準備早餐，我平日比佢食既都唔會定死一樣野，有時可能係麥皮，可能係粥仔，可能係面包，其實佢而家就黎一歲咀嚼能力已經好好，我就會比多元化啲既食物佢去學習咀嚼。

之後食飽飽就會同佢出街行下放電啦！通常都係同佢去買餸，準備下午同夜晚個餐，通常都會到差唔多買完番屋企途中／番到去佢就想訓，但我係視乎番佢既眼訓程度有幾高，係米真係一番到去就未除揹帶就訓著左至比佢訓，如果佢真係好眼訓我會由得佢自己訓，我就準備午飯同晚飯既野；如果番到去佢未係好眼訓我會比佢自己玩一陣，之後放水同佢沖涼，沖完我就整啲粉仔佢食。

我而家比佢訓晏教既時間大多數都係係中午既15：00／16：00，通常佢一日會小睡2-3個鐘，最重要係小朋友小睡唔好超過3個鐘，因為禁樣可能會令佢夜晚既睡眠時間短左，姐係你半夜要起身同佢玩～

我自己之前就係因為佢夜晚唔願訓日頭就好似隻豬仔一樣訓到唔願醒，所以個時基本上我同老公2個都冇一晚訓得長同好，佢個時每晚都要成3點幾4點至肯訓；第2朝又9點到起身要飲下奶就再新，個排真係好辛苦架，後尾我自己就情願訓小啲，同佢早啲起身調整番佢既生理時鐘，好啦，提外話到呢到，番番正題先。

中午訓醒大概會係18：00左右啦，我自己會襯呢個時間都補下個眠～佢訓醒左啦，我會同佢一齊玩，例如睇下圖書講下故事，又或者同佢一齊玩玩具～

近排佢就鐘意拎住啲野當電話聽，我就會同佢扮傾電話又或者扮有人打比佢，問邊個搵佢呀！之後比佢聽，佢又自己拎起黎聽玩一輪，禁樣玩佢都可以玩一大輪架啦。

然後我會同佢玩到婆婆收工番到屋企，就交比婆婆同佢玩，我自己就去煮飯整餸啦！我整完晚飯既時間大概都會係19：30左右20：00左右一定開到飯。

佢都會同我地一齊同檯食飯，好啦，飛下啲時間先。

大概22：40左右佢爸爸就會放工番到黎，佢就會扭爸爸計要爸爸抱要爸爸同佢玩，爸爸都會同佢玩一陣之後至沖涼，到爸爸沖完涼都係會玩上一輪到，我地係等佢玩到累啦，就同佢去教教豬，佢而家通常都係玩到00：00左右到就冇哂電架啦，就要扭眼訓食奶訓，我地會幫佢刷牙換尿片至開奶比佢訓教，呢個就係我家小寶貝既一日食玩訓之時間表，佢而家通常都會訓到一晚架啦～