【婆媳關係】奶奶染疫後體能變差仍每日上門做家務 港妻心痛拒交鎖匙反被罵引婆媳大戰

【婆媳關係】奶奶染疫後體能變差仍每日上門做家務 港妻心痛拒交鎖匙反被罵引婆媳大戰

家庭關係
By Louisa on 14 Apr 2022
Digital Editor

有時面對頑固難溝通的老人家,的確會令不少子女兒孫感頭痛。有一名港妻在網上吐苦水,稱自從奶奶早前染疫康復後,體力明顯下降,卻堅持在她和老公在家工作期間日日上門做家務。惟事主憂奶奶太辛勞,因此近日復工後決定不將住所鎖匙交給奶奶,卻遭對方責罵而引起婆媳爭執。

奶奶堅持每日上門做家務。Photo from TVB

奶奶康復後日日上門做家務

該名港妻日前在香港討論區以「點先可以叫奶奶唔好咁操勞?」為題發文,指奶奶在染疫康復後體能明顯下降,但是日前她和老公皆在家工作期間,「奶奶日日都會上黎幫我地打掃同埋煮飯」。雖然兩夫婦曾勸奶奶多休息,不用日日如此操勞,可是奶奶卻認為「日頭一個人留係屋企冇野做覺得好悶」,寧願辛苦也要過來幫他們拖地煮飯。

港妻心痛奶奶辛勞。Photo from TVB

憂奶奶太操勞

可是事主見病癒的奶奶「抹櫃個陣抹多陣都好易喘氣」,如何勸她休息都不願。事主又擔心奶奶身體有問題,於是叫老公幫口叫奶奶做身體檢查,但奶奶卻「死都唔制話自己冇事好健康」。老公曾嘗試勸奶奶留在家休息,但她即發脾氣大鬧「係咪宜家嫌佢老幫唔到手」。

廣告
廣告

奶奶要求配鎖匙給她,但老公認為無私隱。Photo from TVB

奶奶要求配鎖匙給她

直至近日兩夫妻開始回復正常上班,因此無法留在家中開門給奶奶,而奶奶便要求「配條鎖匙比佢,佢會上黎幫我地執屋」。老公因為覺得奶奶經常上門無私隱便拒絕,但奶奶反而責備事主,「係咪我唔想佢上黎所以叫佢個仔唔好配鎖匙比佢…」事主坦言自己其實並不介意,反而是憂慮奶奶兩邊走太操勞,故此感到很無奈。

網民認為做家務對奶奶另有意義

有網民認為老人家可能是因為經歷過大病,便想趁還有心力多照顧兒子,「老人家想做又唔太影響健康就由佢」、「可能就係因為病完執返條命,更加想做返啲嘢」。也有人認為老人家個性頑固很正常,「性格好難改」、「老人家硬頸無得勸,畀佢上嚟執屋滿足佢都算係孝順」。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道