【求子不順】造人2年不果恨抱孫媽媽絕招催生　港女嘆：「每次都好似喺傷口撒鹽咁」

By Louisa on 27 Mar 2023

Digital Editor

不少夫婦婚後都心急「造人」，為家庭增添生氣。不過生育講求緣份，並非每對夫婦都能順利，身邊人不應胡亂詢問和催逼。一名港女日前在網上吐苦水，稱跟老公嘗試「造人」兩年不果，目前正準備做第3次IVF（體外人工受精）。惟恨抱孫的媽媽經常催促甚至情緒勒索，令她倍感壓力禁不住大呻：「每次都好似係我哋兩個嘅傷口道撒鹽咁」。

Photo from TVB《寶寶大過天》劇照

屢試IVF造人不果壓力大

該名港女日前在香港討論區發文，指自己跟老公嘗試「造人」2年無果，醫生稱由於是生理上的問題，因此他們很難以自然方式成功懷孕。於是他們便嘗試做IVF，然而做了2次仍未成功，目前他們打算做第3次。她坦言「已經又自己打針又食西藥又食中藥」，仍未能成功懷上孩子令她感到身心俱疲。

Photo from TVB《寶寶大過天》劇照

媽媽不停催生戳事主痛處

不過最令兩夫婦感壓力的，竟然是事主的媽媽。她表示媽媽一直都非常恨抱孫，幾乎每次吃飯都提起，「起碼每餐飯提兩三次，見唔到面都會send message同我講」。媽媽催生仔的方法層出不窮，她曾表示「嚟緊退休，諗住全副心機去抱呢個唔存在嘅孫」，令事主感嘆「每次都好似係我哋兩個嘅傷口道撒鹽咁」。

Photo from TVB《寶寶大過天》劇照

恨孫恨到神經質

近日有一名跟事主年紀相若的親戚懷孕，媽媽的「妄想症更加極速惡化」。事主表示自己偶爾「唔飲啤酒、唔食雪糕，就問我係咪有咗；我肥咗少少又問係咪有咗；我同呀妹講秘密又問係咪有咗」。她稱媽媽每次有懷疑時，「個樣仲要好似我真係已經有咗開心到死咁，我見到佢嘅表情係嗰種狂喜嘅眼神，好得人驚呀！」

Photo from TVB《寶寶大過天》劇照

被媽媽情緒勒索感無奈

為此事主曾以各種方式跟媽媽反映，著她不要再提起這個話題，但對方竟情緒勒索稱，「佢又搬佢有抑鬱症嘅原因出嚟，話咩全世界都唔錫佢、唔理佢，話咩自己快啲死咗佢算」。媽媽的態度令事主對生育一事更大壓力，惟有透過發文宣洩情緒，她直言「有小朋友係我哋兩個嘅事，仲要係好大責任，唔係淨係比你玩架。」事主覺得媽媽年輕時，「可能求求其其就成功有咗我，但係唔係個個人都好似你咁嫁！」她無奈續指，「何況我哋都好想有，但係個天唔比呀嘛！」