download MamiDaily 親子日常 app
【親子好去處】星空下的彩虹小屋+ 五大玩樂設施

【親子好去處】星空下的彩虹小屋+ 五大玩樂設施

親子好去處 爸媽分享
By 龍鳯孖媽 on 16 Dec 2021

好夢幻好夢幻~以前每年都會去日本過聖誕,貪其燈飾好夢幻。估唔到香港都有咁夢幻嘅場景,可以喺冇冰嘅冰屋裡看星,而且仲可以住喺樓下嘅七彩彩虹小屋,過一個不一樣嘅觀星假期

有十間主題七彩小屋供選擇。
大部分附設有觀星露營帳。
從高處向下望,另一番感覺。

這裏有十間主題及攝影體驗七彩小屋可供選擇~

(大部分附設有觀星露營帳)

包括溫莎堡、愛丁堡、宇宙太空、希臘愛琴海、紐堡賽道、波希米亞、亞馬遜森林、阿菠蘿飛船、京都府、布吉府、泰國皇宮、歐式小木屋等等。

日間是另一種美感。
黃昏時份景色更美。

 

當晚我哋最後揀咗亞馬遜森林主題房,

有樹屋、

有滑梯同

車車床。

亞馬遜森林主題房
小朋友好滿意。

每間房均有全新獨立洗手間、冷熱水沐浴裝置、冷氣設備、電熱水煲和沐浴露及洗頭水。

某些房間備有雪櫃和微波爐,須去前自行查詢。

沒有提供毛巾,請自備~~

房間外有個小花園進行BBQ。

費用已包自選燒烤食材套餐,無需額外租借燒烤爐。

費用已包自選燒烤食材套餐。

孖寶第一次戶外燒嘢食,感到很新奇。

 

戶外電動車

提供多款電動車俾小朋友揀,

有小朋友Benz、綿羊仔同唔同造型嘅電動車。

戶外電動車
有多款電動車俾小朋友任玩。
小朋友玩得很滿足。

開放時間: 11:00-13:00, 14:00-19:00

最好一check in就去玩,

小朋友瘋狂玩咗好多轉。

 

2000尺室內遊樂場

有小型充氣彈床、波波池、煮飯仔區同適合幼兒嘅爬行區(有幼兒玩具)等。

2000尺室內遊樂場

有小型充氣彈床玩。
好多嘢玩,玩到唔捨得走。
幼兒區適合BB玩。

開放時間: 11:00-13:00, 14:00-16:00, 17:00-21:00

我哋玩完車車就走去室內場玩。

 

手搖船

戶外手搖船有大船同小船俾唔同sizes嘅小朋友玩,

喺池邊仲有小型彈床俾小朋友放電。

戶外手搖船供小朋友玩。

當日不見有時間限制,

自助形式,

家長要小心看顧小朋友。

 

戶外飛機造型遊樂場

戶外飛機造型遊樂場

唔同攀爬設施和滑梯,

無限放電。

 

戶外單車場

小食亭對開有個大空地,

提供唔同嘅單車同腳動車仔俾小朋友玩。

戶外單車場

一個價錢可以任玩以上設施確係幾抵玩。

如果啱季節,仲有漁塘導賞體驗網魚及採摘有機溫室士多啤梨 。

後記:

孖媽: 好靚好夢幻好浪漫~打卡 非常正~

小朋友: 好多嘢玩,玩到唔想走~

爸爸: 戶外地方較多蚊,建議一定要帶齊防蚊用品!!

溫馨提示:

屋與屋之間嘅距離較近,

過了晚上10時後,

請將音量收細。

亦建議帶備耳塞。

另外,如果瞓唔慣生埗床,

可考慮訂日營。

地址:農樂營

元朗牛潭尾路攸潭尾村(攸潭美村公所附近)

交通:

方法1: 元朗大馬路「開心廣場」後面福康街小巴總話乘坐37專線小巴,到攸潭美村錢所(總站)落車步行3分鐘即到

方法2: 屯馬線元朗站G出口乘坐37專線小巴,到攸潭美村錢所(總站)落車步行3分鐘即到

日與夜都靚。
打卡一流。

我哋悄悄地搬返出市區一星期有多,

搬前和搬後都好忙。

其實以上體驗已經係一個多月之前(11月頭),

已經一個月冇一家四口去玩啦。

不過我仲積埋好多唔得閒寫,

有d係一年前去嘅,

有時間再寫。

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道