【父母壓力】女兒乘車扭計媽出盡法寶 疑遭人拍片 母:我已盡力氹公審我都無計

【父母壓力】女兒乘車扭計媽出盡法寶 疑遭人拍片 母:我已盡力氹公審我都無計

產前產後 育嬰貼士
By Dara on 29 Dec 2022
Deputy Managing Editor

外界常常嘲諷做父母之前應該要考牌,卻沒有想過為人爸媽照顧幼兒十分不容易,現在亦隨時要面對公審的壓力。一位媽媽在討論區分享,指2歲女兒乘搭交通工具扭計,自己已不斷「氹」,奈何孩子不受理,期間丈夫說「有人拍緊片」,令母親嘆道:「佢要拍片公審我唔識教小朋友我都無計,我唔係想我小朋友咁嘈騷擾到人。」她更請教其他家長,應該如何處理孩子坐車問題。

媽媽在港鐵氹女期間,疑被人拍片Photo from MamiDaily

擔心被拍片公審

這名港媽在「巴打絲打13親子育兒」發帖,內容是兩夫妻攜帶2歲女兒乘搭港鐵時,想着只不過轉車坐一個站,本來以為沒有問題。誰知女兒剛上車時很安靜,一關上車門便想周圍跑,港媽立即控制女兒不讓她四處亂跑,作為父母都知道,孩子越被制止越扭計,而且不斷發出吵鬧聲音。

港媽說:「講極都唔聽又氹過佢都係(冇)辦法,次次坐車都係咁,好難搞。剛剛佢扭得好勁,我已經盡量氹佢令佢收聲。」媽媽難為之際,身旁的隊友說:「快點搞掂佢啦,好似有人拍緊片。」媽媽大感無奈:「我都已經氹緊佢真係無辦法。」她認為其他人要拍片公審她不懂教小朋友,她都無計,也不想小朋友騷擾到別人,已盡量氹女兒只是任務失敗。女兒每次坐小巴會好定,但坐港鐵可能地方大,便想周圍跑,媽媽有跟孩子解釋,但孩子太小,難以明白。

媽媽慨嘆孩子扭計,有時真無符Photo from MamiDaily

其他家長感同身受

不少媽媽表示理解港媽的心情,「我個仔一歲至兩歲幾都係咁,自己用盡方法氹都搞唔掂,就由得人影飽佢,香港人本身好mean,又無愛心唔鍾意小朋友。佢哋最鍾意講,有細路就唔好出街啦,基本上無乜需要上心」。

另一位媽媽亦分享兒子在三歲搭西鐵的經歷:「佢喊爆,我當時又大住個肚,我抱佢,佢不斷掙扎狂踢我,個個乘客望住我,果刻真係好想喊同無奈,因為如果小朋友喊,唔理佢又俾人話,理佢,啲人又話你應該要落車處理咗先好再上車,一陣又話個小朋友咁樣就咪出街啦,又或者搭的士啦。如果落車再上車,我諗我原本幾個站車程,會變咗兩個鐘都返唔到屋企,所以我明樓主感受」。

廣告
廣告

媽媽指盡量不想騷擾到其他乘客Photo from MamiDaily

網友分享坐車經驗

其他家長亦提供了自己的坐車經驗,主要有:
1.如果車廂人不多,可試下慢慢由車頭行去車尾,就像搵座位般。
2.看見甚麼都「嘩」,吸引孩子注意,或講故事、唱歌仔、數車站名等。
3.若孩子無法溝通,又不趕時間,便落車讓他冷靜,慢慢安撫。
4.港鐵聲量大,有些孩子會害怕,可購買列車模型玩耍,或播放列車卡通片如《小火車迪迪寶》,甚至帶孩子到月台看列車埋站和扮車卡開門聲,讓他們接受,不再害怕。
5.上車前,講明要準備坐車,坐車不可以跑、叫,但可以細聲說話。如果跑或大叫便需落車,企到冷靜為止。
6.不要當自己是牧羊人,照顧小朋友不是放羊,如果只顧自己打機、睇電話而不理會子女,他就會用自己的方式吸引家長注意。一次兩次之後,發現原來嘈或喊可以吸引父母注意力,然後每次都會自動自覺嘈定先或喊定先,目的是想你陪他。
7.如果孩子做得好的時候,記得稱讚他,說:「你真係有坐定定喎!坐定定坐車真係好呀!做得好好,媽媽好欣賞你。」加強小朋友正確行為的概念。

不少網友跟事主分享坐車經驗Photo from MamiDaily

在網絡公審的年代,人們言行稍有差池,隨時被口誅筆伐,為所有人帶來壓力。大家應保持客觀理性,避免未審先判,生活才能愉快。

延伸閱讀:

Text : Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道