【親子活動】無得上playgroup家中也能好好學習？3招鍛鍊2歲小朋友手部肌肉

因為疫情關係，綿綿無得出去上playgroup，所以喺屋企會盡量諗多啲親子活動及有趣味性嘅遊戲，陪玩多啲，學習多啲，就算日常生活中既鎖碎事，都有好多嘢可以學， 喺安全情況下，例如幫媽媽做一啲簡單家務，小朋友可以做小助手，幫手拎嘢， 綿綿有份做會特別興奮同有滿足感，所以小朋友培養自我肯定及建立自信心都十分重要。現在睇吓有乜活動可以鍛鍊綿綿手部肌肉？

食嘢方面，除了學習自已用餐具外，其實剝蛋殼都唔錯，可以訓練小手肌，自已剝比自已食特別好味～

貼貼紙除了可訓練小手肌外， 仲可以令綿綿多動腦筋。

胡迪Woody 真係好夠義氣，為咗比綿綿鍛鍊手指肌肉，任意比佢夾，完全不怕影響自已形象，真係好大犧牲！雖然呢個畫面好殘忍，無諗過呢個學習方法都唔錯， 綿綿都幾有創意~

畫畫都係唔錯，係幾好嘅訓練， 雖然睇唔明綿綿畫乜，但見到佢揸筆似模似樣，都好開心！

不經不覺綿綿剛踏入2歲，原來呢段時間小朋友學嘢真係好快， 所以真係要好好把握黄金期，培育自已小朋友, 不過最重要都係要有優良品德。能夠見住你開心快樂地成長，比任何嘢都重要。所以我會隨時隨地為你拍片拍照留念，記錄每一個階段，將來都可以畀你睇返~

綿綿~媽媽永遠都咁愛你！

Text & Photos：Suki 綿綿媽媽