埋身/手指/奶咀點揀好?一件突發事情讓孩子驚喜踏入戒奶咀之路?

埋身/手指/奶咀點揀好?一件突發事情讓孩子驚喜踏入戒奶咀之路?

爸媽分享 育嬰貼士 湊仔經
By湊巧有本育兒經 on 05 May 2020

初生BB從黑暗、寧靜、溫暖嘅母腹中,來到刺眼、嘈吵、陌生既世界,需要時間去建立安全感。巧兒初生時都有試過狂喊一個鐘,檢查過唔係肚餓、濕片、唔舒服,我同爸爸都束手無策,佢應該係需要安全感。埋身、手指和奶咀之中,我仔細衡量過。

Danielle
Photo from Danielle

埋身實在太辛苦媽媽喇,生產後身體尚未回復,晝夜不分地餵奶、泵奶已經佔用好多時間,如果仲要埋身安撫,休息時間就更少。手指對小朋友黎講最方便,但佢周圍摸、周圍掂,唔會等你幫佢清潔後先放入口,衞生方面好難確保,而且就係因為方便,難以戒除,所以都放棄左。奶咀係身外之物,可以高溫消毒,比較乾淨衞生,而且應該會比手指容易戒除。巧兒1個月大就開始用奶咀。

MamiDaily
Photo from MamiDaily

到6個月左右,對家中環境開始熟悉,冇咁需要來自奶咀既安全感,同時活動能力開始增強,發掘到更多事物比奶咀更好玩、更吸引,日間就冇用奶咀喇,只係下午同夜晚訓覺時先會用。話咁快,巧兒已經22個月大,我地有意識要幫佢戒除,一直等待好時機。

MamiDaily
Photo from MamiDaily

巧兒呢排會用門牙大力咬實奶咀,再磨,仲好興奮地同爸爸媽媽分享:「奶咀有聲」。日子有功,奶咀終於被折磨至出現裂縫。三日前媽媽好凝重地一手拎住奶咀,一手拖住巧兒,好認真咁講:「巧兒咬奶咀,奶咀爛咗,再用嘅話,嘴巴會痛,所以要掉落垃圾桶喇。」媽媽表面上好冷靜,但內心好緊張,唔知巧兒會有咩反應。

到6個月左右,對家中環境開始熟悉,冇咁需要來自奶咀既安全感
Photo from MamiDaily

巧兒爽快地回應:「好!」
媽媽再幫佢做好心理準備:「咁訓覺就冇咀咀喇,不過仲有被被、bear bear陪你瞓,知唔知道?」
巧兒又係爽快地回應:「知道!」

媽媽偷偷預備手機想影低歷史性時刻:「咁巧兒依家將奶咀掉入垃圾桶啦
!」巧兒接過奶咀、踩開垃圾桶蓋、掉咗,繼續玩煮飯仔。

巧兒接過奶咀、踩開垃圾桶蓋、掉左,繼續玩煮飯仔。
Photo from MamiDaily

廣告
廣告

第一晚:巧兒有講話要咀咀,但媽媽提佢已經掉咗,佢就接受。比平時用多1小時左右時間入睡,一直都好似未眼訓咁自己玩。

第二日午睡:順利自行入睡
。

第二晚:又有講話要咀咀,但媽媽再提佢已經掉咗,佢再接受。比平時用多45分鐘左右時間入睡
。

第三日午睡:skip咗,但冇提過要咀咀。

第三晚:比平時用多30分鐘左右時間入睡

真係㗎?咁順利就戒到奶咀?要再繼續觀察。在此要同奶咀講一聲多謝,多謝你呢兩年貼身陪伴巧兒成長。

*純粹個人經驗分享,歡迎討論。

媽媽偷偷預備手機想影低歷史性時刻
Photo from MamiDaily

==============================
Text:Danielle
Photos:Danielle、MamiDaily

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook