【十項全能媽媽】做女時、結婚和生BB後大不同！

回顧返未有BB之前，發覺自己生咗BB之後真係強大咗好多，以前拎包5kg嘅米一陣都覺得重，依家抱個8kg 嘅BB可以抱成一兩個鐘，一齊睇吓媽媽嘅進化過程究竟係點？

Photo from MamiDaily

做女時

唔使做家務，唔使煮飯，自由自在(放工後拍拖、朋友聚會、上興趣班，通常都係出街食飯)

Photo from MamiDaily

結婚後

〈基本家務〉

洗衫、煮飯 (簡單菜式)、洗碗、簡單清潔

生BB後

〈十項全能〉

洗衫、煮飯 (唔識多國菜都要識多幾款菜)、煲湯、煲糖水、洗碗、深層清潔 (吸塵、拖地)

餵奶、換片、掃風、洗奶樽，煮BB加固食物、BB粥仔，幫BB沖涼，餵BB食藥，陪玩、?瞓

Photo from 蜜柑兄弟成長1+1

仲可以同時做兩樣野：

屋企：

一手抱BB一邊煮飯、一邊餵奶 (人奶)一邊食飯

出街：

一邊孭住BB一邊買餸、前面孭B後面孭個大背囊

(網上見過有媽媽畫過類似咁樣嘅十項全能圖，好壯觀。雖然我唔識畫圖，但就咁以文字去睇應該已經覺得媽媽的進化過程好犀利。)

延伸閱讀：
【媽媽的無奈】「雙重標準」累苦媽媽？所有錯都係你嘅錯！
二寶媽媽每日行程：照顧BB身累心更累 連食飯、去廁所的時間都沒有？

呢個進化嘅過程其實好艱辛、好迅速，生咗BB之後，就一次過要犧牲好多嘢 (《BB來了》所謂嘅「ALL IN」) ，冇晒私人時間同自己興趣，亦會喺朋友圈中漸漸消失。無論以前幾咁柔弱，都好似一夜之間變咗超人咁。

Photo from MamiDaily

為咗BB，即使幾唔鍾意或唔想做嘅野，你都會努力去學。就算病咗你都會撐住精神照顧BB。雖然每一日都好攰好辛苦，但最後你會發覺得到嘅好似比失去嘅多，只要見到佢哋嘅笑容，就好似唔記得自己嘅辛苦；見到佢哋健康咁長大，就已經心滿意足，覺得一切都值得。母愛嘅偉大，要做咗媽媽先會感受得到！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text：蜜柑兄弟成長1+1

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！