【媽媽的無奈】「雙重標準」累苦媽媽？所有錯都係你嘅錯！

有了孩子以後，媽媽經常都會感到無奈又委屈，因為有些人總會用雙重標準去衡量你，試過有幾個情境，真係躺著也中槍！

Photo from MamiDaily

情境1：買薯條

發生係你身上：

佢：(語氣激動，表情扭曲)「哎呀！你做咩買薯條俾佢食呀？！好熱氣㗎！」

我：「唔係我買，頭先爸爸買咗我都唔知。」(老公同阿仔去咗廁所)

佢：(好似聽唔到咁，繼續語氣激動，表情扭曲)「你到底知唔知你個仔係唔食得薯條㗎？！」

我：(好無奈又好嬲，想快d逃離現場)

Photo from MamiDaily

發生係佢身上：

佢：(即時淡化事件)「哎呀！你估我想嘅咩？你個仔話一定要食呀！唔俾佢就發脾氣。」

情境二：夜返屋企 (同樣係晚上9點)

發生係你身上：

佢：(語氣激動，表情扭曲)「有冇搞錯呀？！依家幾點鐘呀？咁夜都仲未同佢返到屋企？！」

發生係佢身上：

佢：(即時淡化事件，笑笑口)「哎呀！好早咋嘛！你個仔唔肯走呀嘛！搭車唔駛時間呀？」

Photo from MamiDaily

延伸閱讀：
二寶媽媽每日行程：照顧BB身累心更累 連食飯、去廁所的時間都沒有？
【兩胎經驗分享】BB著咗拉拉褲仲會轉返尿片？原來有2種情況需要轉返尿片！

情境三：阿仔受傷

發生係你身上：

佢：(語氣激動，表情扭曲)「咦？做咩佢個頭瘀咗架？跌親呀？你無睇住佢嘅咩」(唔明顯瘀傷)

發生係佢身上：

佢：(即時淡化事件)「哎呀！佢自己跌到囉！邊睇到咁多！」(好明顯瘀傷)

Photo from MamiDaily

其實，大家都係人哋媽媽，點解唔可以將心比心呢？點解成日要用「雙重標準」放喺媽媽身上？照顧孩子已經唔容易，小朋友好多時嘅情緒亦都唔係我哋可以控制到。唔好成日將小事化大，咩都講到係媽媽嘅錯咁。媽媽為咗孩子努力做嘅事你哋又睇唔睇到？無論係任何人，唔通你會比媽媽更加緊張自己個仔咩？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text：蜜柑兄弟成長1+1

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！