download MamiDaily 親子日常 app
【2020生產記】疫症下去公立醫院生BB不可以陪產?沒有探病時間?

【2020生產記】疫症下去公立醫院生BB不可以陪產?沒有探病時間?

mami熱話 懷孕 爸媽分享 產前產後 bloggers
By 和牛B的成長日記 on 27 Feb 2020

疫症期間,所以姑娘會問得比較詳細,例如有無離開香港、去過中國或者其他地方,有無發燒、傷風咳嘅症狀等。

然後就進行一般檢查,例如磅重、聽BB心跳、度肚、摸肚。

姑娘整理排版同時會做埋入院用文件,等老公同步去辦理入院手續。

完成入院手續,拎埋排版。就可以去產前病房,疫症期間老公只可以陪我去到病房門口,就要將行李交俾姑娘,姑娘幫手拎。

^ 待產嘅產前病房⋯難捱嘅陣痛正式開始!!

而我就開始孤身生B大作戰了!以前無疫症,基本上都入到產房,一般情況下老公都可以嚟陪產。

但疫症爆發下,政府醫院取消咗陪產。
而我喺產前病房,為保障自己安全健康,都需要戴口罩。

無論陣痛幾痛都好,我哋都要戴住口罩。

生二寶,痛嘅速度都快咗,痛到大概4點幾5點穿水,搞完一輪上產房催生。

其實我已經好攰,亦覺得無力好痛。

同上胎一樣,帶住行李坐輪椅,有姑娘推住。所以行李真係盡量輕便,就會方便啲。特別係⋯⋯而家疫症嘅時勢。

上到産房,由於我一穿水就喺產前病房,將所有胸圍除去,換上紫色手術袍。所以上到產房除咗底褲、m巾就可以直接瞓上床等生。

重點嚟啦,仲戴住口罩,咁QE仲有無笑氣㗎?

答案係:仲有笑氣,放題任吸~

但產婦要戴住口罩咁吸,我覺得係比起上胎用更大嘅力去吸先吸到笑氣。

今胎,疫症期間老公無得陪產。所以,幾痛都要獨力承受,好想揾個人依靠、搣、扭、鬧都無。

所以,今胎陣痛一痛除咗碌、吸笑氣、大嗌。

^ 孤身作戰⋯不過明白老公都好唔開心!

生完之後,醫院無減到BB同媽媽合照呢部份。為咗見證呢次疫症生B,我口罩都唔除,影低呢一刻啦!

然後,產後大家都一定想知探病呢?

答案係:無嘅~

成間醫院已經取消所有探病時間。如果有物資想要,可以照樣叫老公或屋企人拎到病房門口交收,又或者講清楚床位,俾姑娘轉交亦得嘅。

==============================

Text & Photos:和牛B的成長日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道