【照顧初生】當媽後進入非人生活 不能一覺訓天光 做甚麼都要快

【照顧初生】當媽後進入非人生活 不能一覺訓天光 做甚麼都要快

爸媽分享 新手媽媽
ByMatt豬媽媽 on 21 Feb 2020

生產完頭4日3夜都仍然可以係醫院好好休息⋯⋯不過由MATT豬出院回家後,就開始了非人生活~不能一覺訓天光的日子,每一日更不能好好連續訓,可以連續訓到3-4個鐘已經覺得好滿足了~(每位媽媽都深同感受嗎?)

坐月的一個月只可以話照顧初生BB時間過得超快,24小時無分日夜!因為你每日的生活就係換片、餵奶、掃風、哄訓覺,無限LOOP~

照顧初生 - 非人生活
Photo from MamiDaily

每日只可以等BB訓著左,爭取時間恰一陣,連玩手機既時間都會放棄⋯當BB喊一聲自然會彈醒,跟本無可能深層睡眠!

終於明白可以訓到自然醒、安安靜靜訓一覺係幾咁難能可貴的事~但原來自己又可以唔訓覺都頂得住,真係做左媽媽就會頂硬上!

無覺好訓就一定的
無自由就預左的
再講就係⋯
無時間出街同朋友食飯(就算可以,食完都會急急腳趕返屋企湊仔)
無時間幫自己扮靚(連好好洗面,敷個MASK都變得奢侈)
無得好好地食一餐(要快,準備BB一醒就無得食)

照顧初生 - 當媽後
Photo from MamiDaily

總知做所有野都要快~換片要快!食野要快!沖涼要快!去廁所要快!刷牙要快⋯⋯(講真的)
同BB出門自己換衫都要快!無得好似以前咁慢慢襯衫、化妝、整頭啦><
這就是當媽後的生活!

廣告
廣告

每日都同自己講:「等BB大個D就會好D,好快就捱過架喇!」(只係自我安慰,但其實又點可能呢?發夢中⋯)

最後真係要講一句,今時唔同往日了!為母則強!
只要每日見到BB食飽訓飽屙到便便、健健康康長大、再辛苦都係值得的!

謝謝收睇喔~

==============================

Text:Matt豬媽媽

Photos:Matt豬媽媽 , MamiDaily

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Share to Facebook