【停課不停學】親子手工教室 利用紙碟創作出8個不同天氣情景

安妮媽媽今次教Aidan用紙碟創作天氣的情景。
我地最近睇到本新書，內容係講不同天氣的變化，Aidan好有興趣，經常叫我地講俾佢聽。

所以安妮媽媽就同佢一齊製作，一來可以加深佢的印象，二來製作完可以用來講故事，玩下故事劇場。

材料：
紙碟
畫紙，顏色紙
雙面膠紙
木顏色，蠟筆，Marker
繩，膠水

天氣情景包括有：
太陽、月亮、星星、雲、下雨的雲、閃電的雲、彩虹和雨傘。

太陽：兩面也有創作，Aidan話要一邊係開心的太陽，另一邊是嬲嬲的太陽。太陽的光線用色紙條貼上。

月亮和星星：用顏色筆上色。

彩虹：用色紙粒拼貼彩虹的各種顏色，但可能膠水黏手，Aidan貼到一半就停左。

下雨的雲：小雨點用色紙貼在繩上，繩要柔軟點，就可以做到落雨的效果。

閃電的雲：閃電用色紙創作。

雨傘：用蠟筆和Marker創作。

最後用繩穿起各個圖案，就可以掛起開始玩喇。當中太陽和月亮我有加木棒，可以俾佢拎住講故事，佢最鍾意用雲姐姐遮住太陽怕怕，之後就落雨喇！

＊如果要用蠟筆上色就要用紙碟紙質那面，用Marker就兩面也可以創作。

＊家長可以依據小朋友的喜愛去自訂主題呀。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：安妮媽媽親子日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！